Página — Comunicacion SECUNDARIA (pág. 30)

Sirwisatapas siwaramanta rihumanta ruraspankum sapa punchaw allinta upyanku. Wiksayuq warmikunatapas siwara hinaspa rihu mikuykunata mikunanpaqmi hampiqkuna kamachin. Timpuchisqa siwara yakuta achka upyanankupaqmi yuyayniyuq runakunata rimapayanku.Runapa ukunmi chay yakuwan allinta qaliyan. Umapas allintam paskarikun, allintam hamutan nispam upyanankupaq kamachinku.

Rihumanta rurasqa mikuykuna, siwara yakupas kichpanchikpi wirakuna huñunakuspa tikayasqankutapas chulluchinmi. Alimaniya hatun suyupiqa uywa uywaqkunapas puqusqa siwarata, mana puqusqa siwaratapas uywankuman mikuchinkum. Chaywanmi uywakunaqa kallpasapa utqayllaman wiñanku.

Kay mikunakunaqa runapa kawsayninpaqqa allinmi. Kaynatam mikuykunamanta yachaq runa rimapayawanchik.

Nawinchayta / likayta tukurquspanataq, qillqana maytuykipi, tapukuykunata kutichiy.

1. Alimaniyamantachu, Qichwa suyumantachu, Italya suyumantachu icha Piru suyumantachu qillqasqa rimachkan? Imanasqa.

2. iItalya suyupi imaynatataq siwarata tarpunku?

3. iSiwara akumanta ima rikchaq mikuykunata ruranku?

4. iImanasqataq Italya runakuna mana wirayankuchu?

5. Nawinchasqaykimanhina, iimamantataq sirwisata ruranku?

6. iImaraykutaq sirwisata upyanku?

7. i Italya runakunamanta, ima ninkitaq?

8. Hamuq siqisqatahina qillqana maytuykipi ruraspa manakusqanta tukupay.

28