Página — Comunicacion SECUNDARIA (pág. 49)

Aswan kay watakunaqa manañam chaynañachu. Musuq yachaykuna rikurimusqanraykum, manaña allpa kamakusqanraykum hukniraqman wallpa uyway tikrakurqun.

Kay qillqasqapim imayna wallpakuna iskay rikchaq uywasqankuta riqsisunchik. Hukninmi kicharisqa pampakunapi, hukninñataqmi uchuy kanchachakunapi. Iskayninmi imayna ñawpa ayllukuna yachayninwan uywasqa kan.

1. Kicharisqa pampapi

Mapuchi wallpaqa kicharisqa pampaman, purunman yachakasqam.Chaynatam watan watan ñawpa ayllukuna uywarqanku.Kaynatataqmi Pulinisyapi kawsaq ñawpa kastankunata uywarqanku.Purunpim, pampapim mikuyninta pallaqku.

Kayraykum uywaqninkunaqa sarallata hinaspa yanukusqanku puchullata wischuykuqku. Kaynatapunich ñawpa unay Mapuchikuna rurarqanku.

2. Uchuy kanchakunapi

Mapuchi wallpaqa llaqta ukupi, uchuy wasikunapi kaspaqa kichki kuchuchakunapi kawsaymanmi yachakarqanku. Kaykunapim ichaqa runapa mikuchisqallam karqanku. Rurukunata, mikuy puchuta, runapa rurasqan mikuykunallawanmi kawsaqku.

Runtu uqllachiy

Mapuchi wallpakunaqa allintam runtunkunata uqllanku, chaymi paykunallawan uqllachiqku. Sayayninmanhinam wallpaqa 12 anqas runtukunatapas, 8 runtutapas, 1O runtutapas uqllanman. Kaytaqa uywaqkunam qawanan.


47