Página — Comunicacion SECUNDARIA (pág. 75)

waranqa waranqa kawsaykunam chinkayman purichkanku.Kawsaykunapa wasintam tuñichichkanchik. Imapas puchukay sunquyuqmi maymanpas runakuna winakuykunchik. Kurunawan sutichasqa kawsaypas allpanchik llumpay ñakachisqanchikraykum rikurirqamun. Paykunapas musuq wasita maskaspankum piñallaña wañuyman aparquwarqanchik.

Nawsahinam purichkanchik. Qipa punchawkuna imapas rikurimunanta manam musyakunchikchu.

Chirusqa qawasqanchikmanhinaqa hatun hatun llaqtakunam wayranchikta llumpayta qachachanku.Chinukunawan rinhukunam millay wayrata rikurichichkanku. Kay suyunchikpipas ancha anchatam qilla hurquqkuna, urnu kañaqkuna wayrataqa qachachachkanku.Chayna kachkaptinpas manam

chirusqapi Piru hatun suyupa sutin rikurimunchu, kayna kaptinqa mayna qachaya kay hatun llaqtakunapi wayraqa tarikun. Manañachiki tutapi quyllurtapas, killatapas qawayta atisunñachu. Intipa kanchanpas anta antallañachiki allpaman chayamunqa.

Runa masinchikkunawan mana hawka kawsayta yachasqanchikraykum imaymana wañuchikuq hampikunata, tuqyanakunata paqarichispa lliw pachata ñakayman aparqunchik. Chayraykum tiqsi muyupi muyuq wayrapas pasaypaq qachallaña tarikun. Uray rikchana qawasqanchikmanhinaqa pukawan llimpisqa suyukunam yakuta nisyuta qachachanku.

Qullqi mirachiy munasqanchikraykum Mama Pachapa llapa imankunata puchukayman rinchik. Chaymanhinam wayratapas allpatapas yakutapas qanracharqunchik.

Runallapapas allpa, yaku, uywa, wayra kanmanpashinam munasqanchikta ruranchik. Kay umayuqmi lliw runapas kanchik. Kayraykum tiqsi muyu nisyuta quñirikuchkan.

Ristiyanu runakunapa huchanpim imapas runapa muyuriqllanpi tarikun.


73