Página — Comunicacion SECUNDARIA (pág. 15)

Kallpasapa Apu

Qillqaq: Clelia Violeta Pinda Matamoros

Sara huqariy pachapis kumunkuna Apunchikunata, Mama Pachata kuyakuywan rimapayaqku. Kikinkupuras wasinku chayachinankukama saranku astaypi yanapakuqku. Sara lumpayta rururquptinqa asnupas kawallupas manañas haypakuqkuñachu hinaspapas kichki rumisapa ñankuna kaptin uywankupas sasata qispiq. Chaynapis Wakaru llaqta hatun kamachikuq tayta Niku, tukilla, sumaqlla llapachanta qayaspan kaynata nisqa:

—Tayta kumunkuna uyarillawaychik, qayna punchaw tutaykuytam huk kawallu yaqalla uku pampaman wichikuykun. Lliw qawaqmi mancharikurquniku. Nanninchikkuna pasaypaqñam kachkan.

— Sara huqariyninchikqa huk punchawlla sayaykuchun hinaspa paqarinpuni makipuralla lliwchanchik ñanninchikkunata sumaqta allicharqamusunchik.Hinaspapas llumpay kichkim, ichaya tumpata wiñaykachichwan. Ima niwaqchiktaq. Nispas kumun masinkunata rimapayasqa.

Llapan uyariqkunaqa kutiparin:Arí, arí. Warmikuna quqawta yanumunqa, qamkuna rumita tanqankichik, ñuqa llamkanakunata apamusaq. Uchuy hatunmillamkamusunchik.

Llamkay punchawpi, qari warmi,

uchuy hatun kusisqa hanaymanta uraykama ñan allichayta qallaykunku.Llamkaspankuñas allinlla saranku astamunankupaq yanqallapas yuyaymanakusqaku

— Imanasqataq mana puntamanta kaynata rurarqanchikchu. Qamkunaqa


13