Página — Comunicacion SECUNDARIA (pág. 70)

ruruchiyta munaspankum maskachkanku, kaynata ruraspam achka qullqi hapiyta munanku. Qullqiraykullam Munsantu hinaspa huk qulluq muhu ruraq huñukunapas muhukuna allinyachiyta munanku.

Kaykunata ruraspankum allin kaq rurukunata qipaman churanku. Qullu muhuwan lliw tarpuqkuna tarpuyta qallaykuptinkuqa watan watanmi rantispallaña tarpunqaku. Kaynañam qatukunapipas sara, arus, rihu,lintiha, hukkunapas tarikun. Qatumanta rantispa tarpukuptiykiqa manañam wiñanñachu.

2014 wata aymuray killapi 50 suyukunapa runankunam, yaqa 2 wata yupayña, millakuypaq mana allin mikuykunata paqarichiptinkum "Munsantu" lamkaqkunapa rurasqankuta riqsichiyta munaspanku qaparkachaq lluqsinku.

Tukuykunapaq, kay Unriya suyupi tarpuqkunam kamachikuqninkunawan hukllawakuykuspan qulluq sara muhukunamanta hinaspa huk muhukunamantas harkachikunku.

https://www.telesurtv.net/news/Hungria-quema-mas-de-mil-hectareas-de-cultivosMonsanto-20150519-0042.html https://www.greenpeace.org/argentina/que-es-un-transgenico/ Tupaykachiq: Clelia V.Pineda Matamoros

□

Kunanqa, ñawinchasqaykimanhina / likasqaykimanhina tapukuykunata qillqana maytuykipi kutichiy.

1. iImamantataq kay qillqasqa rimachkan? Sunqunta tariy.

2. iImanasqataq Unriya runakuna tarpuq kawsayninkunata kañarqunku?

3. Unriya suyupiqa qullu muhukunaqa yaykumuynin chaynallataq rantikuyninpas harkasqam kachkan. Allinchu kay kamachikuq. Ima ninkitaq.

68