Página — Comunicacion SECUNDARIA (pág. 79)

tikraparqurqaku. Allin takyasqa yachaychu tayta Hisukupa yurimusqan punchaw kanman.

Winlanriya, Nurwiha hinaspa Suwisya

Iwrupa suyu hanayninpi llaqtakunaqa inti kawsarimusqantaqa inti amachaqpa apuntam yuyarinku."Beiwe'sutiyuq, kawsay mirachiq,kawsay qaliyachiq Apum karqan.

Willakusqanmanhinaqa“Beiwe”wawanwan kuska hanay pachapi rinupa waqranpi puriqku, kaynas sachakunata allpata mirachiqku. Kayraykus rinu uywata wañuchispanku puñunakunata hawka kanankupaq ruraqku.Chaynallataqsi "Beiwe”sutinpi wasinkupa punkunta miskikunawan,mantikillakunawan llusiqku.

Hapun

Inti paqariq hatun suyupiqa Amatirasu Intipa Apunmanta rimaq ñawpa willakuymi kan. Amatirasupa turinsi, Susanuwu sutiyuq hanay pachapi huk putruta wañurqachispan paninpa yachanan wasiman qaranta wischurqamusqa.

Chaysi wischurqachikusqa, Amatirasuñataq machaypi wichqarqachikusqa hinaptinsi Tiqsi muyumanta inti chinkarqusqa.

Pakistan

Pakistan llaqtapi kawsaq runakunaqa hatun kuraq"Dezao'”sutiyuq Apu kutimuptinmi intita rayminku. Kaypaqmi puqusqa warmikunawan warmi warmakuna sumaqta armakuspanku chuyachakunku, qarikunañataqmi yakuta umankuman tallikunku. Kawrakunata nakaspankum yawarninta chuyachasqa warmikunaman hinaspa qarikunaman talliykunku

77