Página — Comunicacion PRIMARIA (pág. 7)

Riqsichikuynin

Ancha kuyasqay qari warmi yachakuq warmakuna:

Kay maytuqa qampaqmi, kaywan yanapakuspam yachayniykita sumaqllatana kusi kusilla haypanki.Ancha kuyakuywanmi qampaq yachachiqkuna huñunakuykuspayku ruraykamuniku, chaymanhina yachachiqniykipa, chaynallataq tayta mamaykipa,awiluykikunapa yanapayninwan aswan sumaq yachanaykipaq. Kachkantaqmiruraykuna yachakuq masiykikunawan yuyaymanakuykuspa yanapanakuykuspa llamkanaykipaq.

Kay ñawichana maytuqa llaqtaykipi yachaykunamanta,chaynallataq ñawpa willakuykunamanta yachanaykipaqmi yanapasunki, hinallataq mama simiykipi sumaqta tuqyachispa rimakuyta, allin qillqakuytapas yachachisunkitaq, chaymantapas aylluykikuna chaninchayta, Pacha Mamanchikta kuyakuywan mana qachachaspa aswan waqaychayta yachachisunkitaq. Hinallataqmi llaqtaykipi, yachay wasiykipi, wasiykipipas runamasiykikunawan sumaq kawsakuytapas yachachisunkitaqmi.

Kay ñawichanapaq maytutaqqa masiykikunawanmi hununakuykuspa pukllakunkichik, takikunkichik,Ilimpinkichikpas chirunkichikpas, chaynallataq yuyaymanankipas, imatapas tinkunachinkitaq,chaykunata ruraspam llapallan hawa tupukunapi atinakunata qispirichinki.

Nuqaykumantaqa kay llamkana maytutaqa sunquchakusunkipunim, aswanqa sumaqtam imatapas yacharqunki.Kayqa masiykihinam, sumaqtam waqaychanki.

iKuyakuywan llamkariy! Qampaq ancha saminchay kachun.