Página — Comunicacion PRIMARIA (pág. 7)

Riqsichikuynin

Ancha kuyasqay qari warmi yachakuq warmakuna:

Kay maytuqa qampaqmi, kaywan yanapakuspam yachayniykita sumaqllatana kusi kusilla haypanki. Ancha kuyakuywanmi yachachiqkuna huñunakuykuspayku ruraykamuniku, chaymanhina yachachiqniykipa,chaynallataq tayta mamaykipa, awiluykikunapa yanapayninwan aswan sumaq yachanaykipaq.Kachkantaqmi ruraykuna yachakuq masiykikunawan yuyaymanakuykuspa yanapanakuykuspa ilamkanaykipaq.

Kay ñawinchana maytuqa llaqtaykipi yachaykunamanta,chaynallataq ñawpa willakuykunamanta yachanaykipaqmi yanapasunki, hinallataq mama simiykipi sumaqta tuqyachispa rimakuyta, allin qillqakuytapas yachachisunkitaq, chaymantapas aylluykikuna chaninchayta, Pacha Mamanchikta kuyakuywan mana qachachaspa aswan waqaychayta yachachisunkitaq. Hinallataqmi llaqtaykipi, yachay wasiykipi, wasiykipipas runamasiykikunawan sumaq kawsakuytapas yachachisunkitaqmi.

Kay ñawinchanapaq maytutaqqa masiykikunawanmi huñunakuykuspa pukllakunkichik, takikunkichik,Illimpinkichikpas, chirunkichikpas,chaynallataq yuyaymanankipas, imatapas tinkunachinkitaq,chaykunata ruraspam llapallan hawa tupukunapi atinakunata qispirichinki.

Nuqaykumantaqa kay llamkana maytutaqa sunquchakusunkipunim, aswanqa sumaqtam imatapas yacharqunki. Kayqa masiykihinam, sumaqtam waqaychanki.

iKuyakuywan llamkariy! Qampaq ancha kuyakuy kachun.