Página — Comunicacion PRIMARIA (pág. 14)

3

Nawinchasqanmanhina ruyaykuna:

Kunanqa, kay qatiq qillqasqata nawinchaykuy.

Mama martinamantawan yutumanta

Achikyay qaspi qaspi pachallata qatarirquspansi mama Martina kusisqallaña llullu kawsaykuna pallaq chakranta risqa. Chakranman chayarquspansi, kuchun kuchun chakranta qawamusqa.

Chaymantañas puqusqa kaq chuqllukunata kiwllispan pallayta

qallarichkaptinsi, huk paya yutu papa suka ukumanta pawarqusqa.

Hinaptinsi, mama Martinaqa chuqllu pallasqanta saqiykuspan yutupa pawasqan papa sukata maskaykusqa. Chaysi chay papapa yuran ukuchapi yutupa runtun qucharayachkasqa.Mama Martinaqa yutupa runtuntas millqakurqun,chaymantas pallasqan chuqlluta qipipakuykuspan wasinman asi asillaña kutikusqa.

Yutuqa, mama Martina ripuqta rikurquspansi runtun qawaq kutisqa.Chaysi yutuqa manaña runtunta tarisqachu. Hinaspansi, tuta punchaw runtunmanta waqastin llakillawanña purisqanpi wañurqusqa.




12