Página — Comunicacion PRIMARIA (pág. 30)

3Nawinchasqanmanhina ruyaykuna:

Qatiq qillqasqata ñawinchay, hinaspa qallariyninpi umanchasqaykiwan tinkuchiy:

Llaqtanchikpa rayminpi rihu pikanti yanukunapaq

Yaykuqkuna:

Qaranchasqa rihu Kuchi qara Kachi

Ahus

Siwuylla Piminta Kuminus Palillu

Mantika Uchu

Irwawuyna

Imayna rurana:

1. Qaranchasqa rihuta, kuchi qarapa wirantapas siqsirispam,mayllananchik.

2. Mankapim achka niq yakupi qaranchasqa rihuta, kuchi qarayuqta chayanankama timpuchina.

3. Ikasqa siwuyllata, kutasqa ahusniyuqta, mantikachapi tiqtichina,asniqlla pimintayuqta, kuminusniyuqta.

4. Allinta qilluyanankama siwuylla, ahus tiqtiruptinñataq, huk wisllacha huntata palilluta winaykuna, chaywan sumaq tiqtiykunanpaq.

5. Yanusqa kuchi qaratam taksakamallata kuchunawan ikana.

6.Chay siwuylla, ahus, palilluyuq tiqtichisqanchikmanmi, ikasqa kuchi qarata winaykuna.

7. Chay tiqtichisqanchik mankamanmi yanusqa rihuta winaykuna,hinaspam kachita munasqanchikmanhina winaykunataq,chaytam wisllawan sumaq tinkuykunankama qaywirina.

8.Chaytam aruschayuqta, ñutuman ikasqa irwawuynayuqta matichapi qarakuna, kutasqa uchuchayuqta miski mikuykunankupaq.



28