Página — Comunicacion SECUNDARIA (pág. 56)

wutaskunata, waskakunata, hukkunatapas llamkarqan. Kay llamkaywanmi ayllunta pachachiq, mikuchiq, churinkunatapas yachay wasikunaman churarqan. Kay qarim makinpi, umanpi sunqunpi ñawpa yachaq runakunapa yachayninta uywan. Hatun taytanmantam yachayta chaskirqan. Paymi hatun taytanwan, taytanwanpas runakunapaq imaymana pachakunata hinallataq uywakunapa watanankunatapas ruraqku. Paypa ayllunqa llamkasqanta apaspanmi llaqtan laqtan Piru suyuta muyumuqku. Chaykunam paypa yuyayninpi kawsan.

Machuyarquspanqa wasillanpiñan qarata ñupun hinaspa siran. Payqa qarawan llamkaqkuna chinkasqanmantaqa kaytam nin "Llakikunapaqmi,kunan watakunaqa qarawan llamkaq masiykunaqa manaña qawakunñachu.Manataqmi qaramanta pacha rurasqakunapas anchaqa qawakunñachu.Manañayá kanñachu. Chinkarqunñam. Aswanmi anti ayllukunaqa qaramanta rurasqa pachataqa manaña rantiyta munankuñachu. Chaymi yachaykunapas chinkayman richkan. Nawpa watakunaqa achkam qarawan lamkaq yachaqkunaqa karqaniku, kunanqa iskay kimsallañam kachkaniku.Ichaqa, pachakuna mana utqayman rantikuptinmi, manaña ñawpa watakunahinañachu rurasqaykutaqa ruraniku. Rurasqaykuta llumpayta kuyasqayraykullañam rurachkaniku. Hinallataq hawamanta hamuq rinhukuna, rurasqayku pachata rantiwaspanku kusisqa apasqankum,ñuqaykutaqa kallpachawanku. Chayraykullañam qarawan llamkaykunaqa manaraq chinkanqaraqchu, nispa.

Tayta Puyu Kichkapa nisqanqa chiqam, qaramanta rurasqa pachaqa,mana utqayllaman tukuq, mana aychanchikta rupachiq, mana unquchikuq kachkaspapas qipanchasqam karqun. Ichaqa hawa llaqtamanta hamuq runakunaqa qaramanta pachataqa anchatam chanichanku; paykunaqa, allin ukunchikpaq, kasqanta yachaspankum ancha kuyaywan rantikunku.

Tayta Kichka nisqanpihinam, qarawan llamkaq runakunapas iskay kimsallana qipanku. Kayna hinalla qatinqa hinaptinqa, qipakunamanqa ñawpa llamkaykunaqa chinkanqachá. Lliw runakunapas yana wirawan rurasqa unquchikuq pachawan churakuspa unqurquspaqa utqayllamancháwañuyta tarinqaku.

。

54