Página — Comunicacion SECUNDARIA (pág. 60)

Mana aychayuq qara kananpaq allichay

Qara allin chuyaña qipananpaqmi aychachankunata wirachankunata hurqupaykuna.

6.Iskuchana

Iskuchanapaqqa sumaq mayllasqa qaratam, kimsa punchaw, kachiyuq iskuyuq yakupi kaqmanta yunuchina. Huk hukmanta allin mastasqata,rakuyaynin allin kanankamam nuyuchina. Sapa punchawmi huk hukmanta qarataqa nuyuchina. Qara rakuyarquptinqa chukchakunapas iskamakunapas utqayllamanmi lluqsirqun.

7.Aychachaywan chukchachay

Pampa kulluman qarata churaykuspam iskay makiyuq kuchunawan chukchankunata, puchuq aychankunata wirankunata, iskamankunata ima,sumaqta siksirquna. Yuraq yuraq kanankaman kuchunawan qaquna. Kaytaqa achka achka yakuwanmi maqchipayana.

8.Iskuchay (isku hurquy)

Yapamantam qarata kimsa punchaw isku puchukuna chinkanankama chuya yakupi nuyuchina. Kaynaptinkum qara mana rawranchu manataq ismurqunchu. Nuyusqan punchawkunaqa sapa kutillam qarata kuyuchina,muyuchina hinaspam sapa 12 pachamanta kuchunawan siksina. Sapa mayllanapaqmi yakuta tikrana.

Qara llimpiy

Qarakunataqa sumaqta llampuyananpaqmi waranhuyuq yakupi nuyuchina.Allinta nuyuykuptinñataqmi nuyusqan quchamanta hurqurquna hinaspam rupaypi masaykuna. Chakiy chakiy kaptinñataqmi sumaq lampuy llampuy kananpaq linasawanpas challwa yaku wirawanpas sumaqta llusiykuna winaykuna. Qara llimpikunanpaqmi waranway, kiwrachuwan hinaspa kaskarillawan llimpina. Chaymantañataqmi sumaqta chakiykachispa, chaki wayrasqa wasipi sumaqta allichana. Kayna kaptinña imaymana pachakuna rurayta qallaykuqku. Kay llamkay yachayqa allin makipaqmi karqan.

□

Nawincharquspanataq hamuq llamkaykunata qillqana maytuykipi ruraykuy.

1. iIma llaqtamantaq qillqasqapi rimachkan?

58