Página — Comunicacion SECUNDARIA (pág. 85)

Apu wamanikunapa rimaynin

Tinkuyachiq: Clelia Violeta Pineda Matamoros.

Llaqtanchikkunaqa hatun, uchuy, malta urqukunapa chawpinpim tarikun.Chay urqukunam harkawanchik. Urqukunaqa wamanikunapa wasinmi.Wamanikunaqa imaymana uywaman tikrakuspanmi watukamuwanchik.Chaymi kanankamapas runa masinchikkuna killinchuta qawaspankuqa chukunkuta hurqukuykuspankuraq rimakuykunku. Urqupi tiyaq wamanim killinchuman tikrakamuspa watukamuwanchik.

Nawpa llaqtanchikqa Apukunawanmi sumaqta rimanakurqanku.Kuskam uywata, tarpuyta, imatapas uywarqanku. Imapas paykunapam karqan chaymi allinta mirachiqku, ñuqanchikqa uywayllam uywarqanchik.Ispañulkuna chayamusqanmanta pacham manaña ancha sumaq rimanakuy paykunawanqa

kanñachu, aswanmi iñiyninchikkunaqa qipachakuchkanña.

Imaynanpitaq kaynata nini, kaynapim: Tayta Ristupi iñiq runakunam urqukunapi iñiqkuna ñawpaqman puririnanta mana munarqankuchu; millay yanqa iñiykunam nispam michakurqanku. Watakuna ripusqanmanhinaqa Ispaña runakunapa hinaspa anti runakuna iñiyninkuqa hukllawakurqunñam.Chaynapim urqukunapa umankunapi, kaypi chaypi chakanakunata churarqurqanku. Chaytaqa kunankamapas llaqtaykichikpi qawankichikmi.Kaynaqa qiparqun ispañul runakuna ancha atiqniyuq kasqankuraykum.Nuqaykupam chiqa taytachaqa qamkunaqa saqrapim, supaypim iñinkichik nispa.


83