Página — Comunicacion SECUNDARIA (pág. 86)

Chaynallataqmi anti suyupi yachaq runakunaqa huk iñiyman ayllunkunata yaykurqachisqankuraykum Apunkunawan manaña rimanakuchkankuñachu.Arwintistakuna, pinti kustalkunaqa, imaymana rikchaq iwanhilyukunam llaqtanchikpa umanta tikrarqachinku. Kunan pacha pastur nisqankum ñawpa kurakuna rimasqantahina rimanku. Chaymi paykuna kaynata ninku: "urqupi iñiqkunaqa saqratam uywankichik supaytam kuyankichik", nispa. Chayta nispanku aswan, kumunkunapa iniynin chinkachiypi, wañuchiypi tarikunku. Chayna kachkaptinpas 491 wataña ripuchkaptinpas qichwa llaqtakunapa iñiyninqa hinallaraqmi kawsakuchkan. Llaqtanchikpa umanpiqa kay yachaymi tarikun:"mana harkasqaqa manam kachwanchu chaymi kuyakuyninchikta Apunchikkunaman haywakuna". Paykunapa yachayninmanhinaqa lliw Apukunam sutiyuqkama karqanku: Apu, Hirka,Apu Achachila, Apu Urqu, Apu Suyu, Apu Ruyal, Awki, Awkillu, Awkikuna,Urqu Taytacha, Tayta, Machu, Yaya. Mama Pachanchikpas mana qulluq kawsayta haywawanchik, payqa wawankunatam (runa, uywa, sacha, pisqu,imakunapas) waqaychan.Kayraykum hawka uyarikunanchik, kuyanakunanchik, uywanakunanchik.Chaymi ñuqanchik manaraq imatapas mikuchkaspa paymanraq munaykachinanchik, haywaykunanchik. Allinta mana uywanakuptinchikqa piñarikuspanmi usyata, chikchita,piña wayrata, unquykunata apachimun, chaymi mana piñakunanpaq kuyakuyninchikta quykuna. Apunchikkunaqa, wamaninchikkunaqa ñuqanchikhina runam. Manam qaqachu, manam rumichu; qaqa kaspanpas,rumi kaspanpas kawsankum; paykunapas kusikunkum, yarqachikunkum,yakunayachikunkum chayraykum ñawpa llaqtanchikkunaqa paykunapa sutinpi raymiqku, tusuqku, paykunapa sutinpim imaymana mikuykunata yanukuqku. Chaykunata ruraspankum aylluhina kawsakurqanku.Tukuykunapaqña, wakinkum ninku, urquqa kallpasapam chayraykum hanaypi yachan, Mama Pachañataqmi Wamanipa warmin. Manam liryanakuy karqanchu. Aswanmi nisyuta kuyanakurqanku, chaymi quñi allpakuna yakumanta wañunayaptin urqupi tiyaq Apukuna waqaspan

CCCCCCCGGGCCGC GCGCCCGC

84