Página — Comunicacion SECUNDARIA (pág. 90)

📄 otro comunicacion 🎓 secundaria Secundaria Perú 🇵🇪 PE 🗣 Español

Página 90

90 de 94

Anterior Página 90 / 94 Siguiente

comunicacion

Solución no disponible aún

Esta página está en proceso de revisión.

Pídela y la resolveremos antes. Sin registro.

¿Te fue útil esta página?

📝 Transcripción de la página (texto seleccionable) 1442 caracteres

karqan. Manataqmi kallpasapa Apuhinachu riqsisa karqanku. Kikinkupuran rimanakuqku. Sapa Apum Ayankunapaq pampana wasita uywarqanku.

Kayna kasqankuraykum hawa suyukunamanta chayamuq Apukunatapas mana sasachakuspa chaskiqku. Paykunaqa, manam huk Apukunata chiqnispan rakispan hukta chaskiqkuchu. Paykunaqa kasqankumanhinam munasqankumanhinam mayqin Apuwanpas rimanakuqku.

Mana wañuqhina riqsisqa Apukuna kaspankupas paykunaqa runahina kallpayuqllas kaqku, paykunapas pantaqkus. Chaysi kikinkupurapas awqanakuqku, chiqninakuqku, ayninakuqku ima.

Ulimpu pampana wasipi

Pampana wasipim 12 Apukuna kawsaqku. Kaymantam imayna runakuna kawsanankupaq kamachikamuqku, paykunam imayna runakuna yachananta paqarichiqku. 12 Apukunamanta kay 1O Apukuna sapichakusqaña karqanku:"Zeus, Hera, Poesidon, Ares, Hermes, Hefesto, Afrodita, Atenea, Apolo hinaspa "Artemisa". Iskayñataqmi ripuqlla karqanku; kay tawamantam iskayta akllaqku:"Hades, Dionisos, Demeter, Hestia".

Imayna runakunawan Apukuna rimanakusqanku

Risya runakunaman mana musyakuyllatam Apukunaqa rikurimuq.Musqukusqanpipas musyakusqanpipas qayasqankupipas manachayqa pawachkaq pisquhinapas qunqaymantam rikurimuq. Apukuna runakunaman ima nisqantaqa haypanapaqqa yachaqkunawanmi yanapachikuqku.

Ima sasachakuypas llaqtapi rikurimuptinqa Apukunatam runakuna huchachaykuqku, chaymi piñakuyninta chinkachinankupaq imaymanata ruraspa haywakuqku.