Página — Comunicacion SECUNDARIA (pág. 79)

kaynaptinkus wañukuqkunaqa huk kawsaypi llapa imayuq kanqaku hinaspapas hanay pachapi allin kawsawpi kanqaku.

Aya raymi punchawkunapiqa quriman rikchakuq qullqita ruranku.Hinaspam "Qingming'”raymi, 4 punchaw ayriway killapim chay rapi qullqita kañanku.

Achka achka runa kasqanraykum china hatun suyupiqa wañuqkunataqa manaña pampankuñachu. Kamachikuy nisqanmanhinam kañaylla kañanku. Sapa watam yaqa 1O hunu wañuq runakunata kañanku. Mana munaqkunataqa, chakra tarpuq runakunatañaqmi hina chakranpi wañuq ayllunkunataqa pampanku.

Pampasqapas kañasqapas ayaqa huk pachamanmi illanan, kaypaqmi imaymana sumaq pachakunawan churaykachinku, chanin chanin qullqiwanmi pachakunata rantinku. Chay pachakunaqa masukunawan,rahunkunawan, imaymana qillqakunawan sumaq sumaq yawillisqam,pillqasqam, arapasqam kanku.

Wañuq qari kaptinqa chumpipas anqaspas yana qumirpas rikchayniyuqmi pachanqa; warmi kaptinñataqmi qamya pukapas, qamya anqaspas kanman. Samasqa kahamanñataqmi ñawpa mana chaninniyuq quri qullqikunata churanku. Wañuqkunamanqa yuraq saynatatam churaykunku, iskay makinmanñataqmi quriwan qullqiwan achalasqa latapata hapiykachinku. Siminmanñataqmi manchachinanpaq manchachikukunata kaskawilta churaykunku.

China llaqtapiqa aya punchawtaqa"Jie Zitui'”sutinpi paqarichirqanku.Kaynam willakuy: unay unay ñawpa watapis llaqtamanta qarqurqachikusqankurayku mana imapas mikunanpaq kaptin, huknin chankanta kuchuykuspa qawasqan runata mikuchisqa. Chanka aycha mikuq runa llaqtapa qullananhina chayarquspanqa qawaqnin runataqa qunqarqunsi, chaysi uku sacha sachaman ripukusqa. Chayraqsi laqta umalliqqa maskayta qallaykun. Sacha sachaman rispansi qayaykachan, Jie Zitui runaqa manas lluqsimuyta munanchu. Chaysi lluqsimunanta

77