Página — Comunicacion SECUNDARIA (pág. 76)

kaptinqa tanta wawata, qari kaptinñataq kawallu tantata churaqku.Waqtachankunapiñataqmi sirakunata rataykachiqku. Wañusqa ayllunkuwan tinkunankupaqmi, paykunawan kuska mikuykunankupaqmi kaykunata ruraqku.

Qichwa llaqta qawasqanmanhinaqa pipas manam wañunchu huk kallpallamanmi tikrakunku, chaymi watan watan wañuq runakunapa nunanqa kutimun. Chay umayuqmi, chay sunquyuqmi wañuqkunata suyanku. Yachaqkunapa nisqanmanhinaqa, chiririnkahinas aya marqay qallaykuq killapi, kamas chawpi punchawta chayamun. Chiririnkaqa mikuy churasqanku hawankunata hinaspa wasi ukukunapi pawaykachaspam samaykun.

Kayqaya mamayqa, kayqaya taytaqa chayarqamunña nispankum wasipi kaq ayllukuna rimanakuqku. Iñiyninmanhinam apuwanpas taytachawanpas rimanakunku. Kawsayninpaq allin kasqantam imatapas mañakunku, kawsachkanmanpashinatam rimapayanku:"Chayarqamunkichu, kayqaya mikuykuy, upyaykuy"nispam rimapayanku. Mamakuchakunapas, llakipi kawsasqankuraykum "apakuwayñayá", nispa mañakullanku. Paqarinnintin chawpi punchawtaqa chiririnkakunaqa chinkarqunqam. Chiririnka chinkasqanqa almankuqa ripukusqantam willakun.

Kay watakunaqa manañam almakunaman haywakunkuñachu. Wayta,sira, wila apakusqallañam pampana wasita watukuq rinku. Kaypiñam waqachiqkunata minkakuspanku kusisqa machanankukama upyanku.Wakin llaqtakunapiqa tutam pampana wasiman rinku hinaspam tukuy tuta sirata ratachikunku.

Aya raymiyqa wañukuqninchikkuna yuyariymi, paykunapas unayña wañukusqan kachkaptinpas manam qunqawanchikchu. Chaymi watan watan kutimunanta suyanchik. Hamuspankum qawaykuwanchik,watukuykuwanchik, ñuqanchikpas haywakuyta churaspam suyanchik.Chaynam wañuq ayllunchikkunawan uywanakunchik.

74