Página — Comunicacion SECUNDARIA (pág. 85)

Qillqaq: Julia T. Castillo Ccanto

Anti runakunapa hawa pacha hinaspa hanay pacha riqsisqankuqa ancha chaninniyuq yachaykunam. Llapa yachaykunawan kawsayninku ancha allin puririchisqankupas nisyu riqsisqam.

Tayta Carlus Milla kaynata nin: qapaq awasqa quyllurkunataqa,qichwa runakunaqa Chilliwa sutiwanmi sutichasqaku. Aymarakunañataq Chakanawan riqsisqaku.

Chakana awasqa quyllurpa ñawpamuqninmi llamapa ñawin, kay quyllur rikurimusqanqa ñam riqsisqaña hinaspapas allpa pachanchik tiyasqanpim tukun. Rikrankunam mana qawasqa siqiwan laqasqa kachkan. Chaypi tinkunakuspankum hanay pachata tawaman rakin. Kay awasqa quylurqa Qusqu chawpinmantam sumaqcha qawakun, ninmi tayta Milla.

Quyllur qawaq yachaq runakunatapas kikin Millataqmi tarisqa: Kasma runakunapa puyñu rurasqankupis awasqa qurllurkuna kan. Puyñukunapa muyuriq uyanpis awasqa quyllurkuna chirusqa kachkan. Chaypiqa watapi awasqa quyllurkunapa achka kuti muyuyninsi qawakuchkan. Chay quyllurkunapa kuyuyninkuna kay

pachawan tinkisqa kasqanpas kanmi, ninmi.

Hinaspapas kaytam yapaykamun: Kaypim, anti runakunapa quyllurkuna qaway yachasqanku qawakun hinaspapas imaynam kay yachayninkunawan kawsayninku allichasqankutapas tarpuy yachasqankupas riqsikunmi. Naska ayllupa yachasqan, tiyasqan hatunkaray pampapim awasqa quyllurkunapa rikchayninta rurarqanku.

Quyllurkuna qawaspa pacha tupuy


83