Página — Comunicacion SECUNDARIA (pág. 89)

Qillqasqa nisqanta allinta haypanaykikama likay.

• Kuraq rimaykunata siqistin likay.

• Likasqaykimanhina tapukuykuna umaykiman chayamuqta qillqasqatin likay.

Chinu runakunapas allintam quyllur qawayta yachanku.

Qichwa simiman tikraq: Qinchu Sunchu

Chinu runakunapaqqa quyllur qawayqa unay unay yachaymi karqan.Quyllur kasqanmanhinam imatapas ruraqku. Kunankamapas hinallaraqmi chay yachaykunaqa hunu hunu runakunapa umanpi tarikun.

Chinukuna pacha qawasqankumanhinaqa tiqsi muyu ukunpiqa warmipas qaripas tarikunmi aswan pakasqalla, mana qawachikusqallam tarikun. "Yin— Yan'”nisqankuqa Pacha Mamapi warmi qari tinkunakuspanku tarinakusqankum. Yin- yanwanmi imapas kay pachapi rikurimurqan. Kawsaypa wañuypa sapinmi, apukunapa kawsayninpipas hinallam.

Yachasqanchik pachaqa manam tikarayasqachu, sapa kutillam kuyuchkan, tikrakuchkan. Warmimantam qariman, qarimantam warmiman (Yinmantam Yanman, Yanmantam Yinman) Manam mayqintapas saqichwanchu, kuskankum purinku. Iskayninkum lliwta rurawanchik.Yanmi qari, ruraq, kallpayuq, quñi, punchaw, suni, urin, usya, nina, hunta.Yinñataqmi warmi, hawka, puka, chiri, nuyu, hawka, hamutaq, tuta, ichuq,hanay, puquy, yaku, chusa.

Yin— Yanpa chirunqa iskaypi rakinasqam tarikun. Sapa chitqapim huk tinkichiq uchku kan. Kay uchkum sapakama yananpi wiñasqanta qawachikun.

Huñunakuspankuqa lliwpa chitqanhinam rikurinku. Kaynatam chinukunaqa pachata qawanku.

O

87