Página — Comunicacion PRIMARIA (pág. 38)

Nawinchasqanmanhina ruyaykuna:

Qatiq qillqasqata ñawinchay, chaymanhina qallarispa hamutasqaykiwan tinkuchiy.

Uywakunapa raymin

3

Nawpaqta, qatuta rispa mikuyta, upyanata, waytata,sintakunata, ruruta, wilakunata,tantakunata, kukata hukkunatapas rantipakamunku.

Qallaykunku, huknin tutamantaraq, misata mastanku waytakunawan tuturawan, kukawan wilakunankupaq,uywakunata qumpunku, Apukunaman haywakamunku, tinyata waqtaspa takinku, chaynallataq upyaspa,kukata akuspa tiyanku.

Chaymanta, yachaqta maskamunku,ayllukunata minkakamunku, aqakunku,uywatapas nakanku, quchata rispa tuturata, quri wayllata pallamunku.

Chaymantañataq, uywakunapa punchawninpipuni, siquy patachita mikuykuspanku, akuykunku.Yachaq misata mastan, Apukunaman saminchakun; uywakunata sintachinku,siñalanku, wallqachinku. Warmakunaman suñanku. Tinyata waqtaspa, qiwaylluta pukuspa, aqata upyaspa, takinkuraq tusunkuraq.

Lliwta tukurquspaqa, llapa uywakunapa chupan kuchusqankuta, ñawpa sintakunata,misa mastasqankuta huñuspa, Pachamaman pampamunku. Tukupayninpi, pukllanku,aqata upyaspa, takispa, tusunku. Chaynam tukun kay hatun uywa raymi sapa ayllupi.






36