Página — Comunicacion PRIMARIA (pág. 49)

3

Huk llaqtakunapi wasi qispiymanta yachanapaq nawinchasunchik

Hatun llaqtakunapi wasi ruray

Hatun llaqtakunapiqa wasinkuta ima killapipas qullqinkupa kasqanmanhinam ruranku, paykunaqa llapa imatapas rantispallankum churanku, chaynallataqmi wasi ruraqtapas yanapaqninkunatapas qullqillapaqtaq minkakamunku.

Kallikunapim allpata rantinku utag taytamamankupa qusqanpas kantaqyá,chaypim inhiniruwan qawachispa planuta rurachinku, chaymantañam wasi ruraqta maskanku.Wasi ruraqpas yanapaqninkunata maskantag. Hinallataq wasichakuq simintuta, laqrillukunata,wirukunata, alamrikunata, ñutusqa rumita,mayu aquta rantipakamun, chaynallataq palakunata, karitillata, pikukunatapas rantimuntaq.

Planupa nisqanmanhina wirukunata sayachispa, simintuta aquwan yakuyuqta chapuspanku laqrilluwan pirqanku. Pirqayta tukurquspankunataqmi hatanankupaqqa kaspikunawan tablata markatahina ruranku, chaypa hawanmanñam hatun palta laqrilluta churanku, hinaspataqmi alamriwan wirukunata wataspa laqrillupa hawanpi awanku.Chayta tukurquspankuñam, wasichakuqwan ima punchawmi wasi hatay kanampaq rimanakunku.Chay punchawpaqqa achka runakunatam minkakamunku,wasichakuqpas kumpaqrinta maskamun, mikuy yanuchinanpaq rantipakamun, aqata timpuchimun,sirwisatapas rantimuntaq.

Akuykuspankum, simintuwan aquwan yakuyuqta chapuspa hatanku, aqata, sirwisatapas upyaspa.Tukuchkaptinkuñam kumpaqri urkistata pusamuspan rusta wasi hatasqankupi sayachin, hinaspam miski suqunakunatapas llapa runa huqarikunanpaq wischumunku.Chaymantañam 'llapanku mikunku puka pukatita arusniyuqta, hinaspa upyaspanku kusikuyllawanña achikyanankama tusunku.

Q



Huk llaqtakunapa yachayninkuna

47