Página — Comunicacion PRIMARIA (pág. 46)

Nawinchasqanmanhina ruyaykuna:

Kunanñataq, qatiq qillqasqata ñawinchay.

Mama Katapa musquyninmanta

Quñani llaqtapi Katalina payacha wawankuna qayllas Limata ripukusqankurayku sapallan yachasqa. Wasichanpa ichu qatanpas qalaychas ismusqaña kasqa, chaysi llunpaychata para sutukuq wasin ukuman.

Chayna kachkaptinsi sumaq

pachasqa runa kawallupi sillasqa wasinman samapakusqa. Hinaspas nisqa: Imay sunqu payachalla kayhinapi yachanki, nispa, hakuchik llaqtayta chaypi sumaq wasiy kachkan, nispa.Kusisqallañas payachaqa uyarin tukuy ima nisqanta.

Chaysi kawallumpi sillaykachispa pusakusqa,allinta puriruspankus achikyaqtaña samaykunku, chaypis runaqa ñawinykita qimchikuy nispan nisqa, Payachaqa qinchikuykusqas,chaymanta ñawinta

kichaykuptinqa sumaq wasi ukupi runaqa rikurirqachisqa.Mamakuchaqa kusisqallañas llapa imata mikuyta qallaykusqa.Ichaqa allinta qawaykuptinqa supaypa wasinpis kachkasqa.Mikusqampas runapa makinkunas kasqa.

Hinaptin mamakuchaqa rikcharirquspa qawaykachakusqa, ichaqa hina wasillanpitaqsi kachkasqa.

Nawincharquspaña ruraykuna:

Qillqasqapa willakusqanmanhina imarayku hatarimusqanta chaynallataq imaynas kasqanta musyapay. Chayta qillqanayki maytupi qillqaykuy.

Imarayku kasqanqa imamanta hatarimusqanta niwanchik,chaynallataq, chaymanhina imayna kasqanñataq imaynas churakusqanta niwanchik.





44