Página — Comunicacion PRIMARIA (pág. 57)

Shipibokunapa awakuyninmanta yachanapaq ñawinchasunchik

Yunka Shipibo konibokunapa awayninku

Chiraw pachapipas, hinallataq puquy pachapipas Shipibokunaqa awankum,ichaqa manam awankuchu para chayamuptinqa. Kay llaqtakunapiqa warmikunallam awanku, paykuman mamankuta qawaspanku awayta yachanku.Kay awanankupaqqa hatun sacha ukuta yaykuspankum kaqkunata pallamuspa apamunku,chaykunawanmi kuyayllapaq tukuy rikchaq awaykunata qispichinku.

Nawpaqtaqa llapallan ayllukunam huñunakunku, chaypim ima pachakunas wawankupaq awanankuta rimanakunku,chaymanhina llapa warmikuna awanankupaq. Chaymanta tukuy rikchaq utkumanta qaytunku kasqan mana kasqantapas qawarillankutaq,chaymanhina huntachinankupaq.

Qarikunapa kushman awayta

qallaykunku, chaymantañam warmikunapa aytikunanta awanku.Chay awayninkupim warmikunapaqqa qinqu qinquta siqinku,qarikunapaqñataqmi kinrayninman hanayninman suni riq siqillata awanku. Awayta tukurquspankuñataqmi, llinki mituwan sumaq qawakunanpaq chapurqunku, chaymantañam taqsaspanku waytankunata siranku.

Awasqankuta allinta qawaykuptinchiqqa,chaypin, Yaku Mamamanta,mayukunamanta, sachakunamantapas Shipibokunapa yachayninkuna kachkan.Chaynatam pachankuta, hukkunatapas Shipibo wawqipaninchikkuna awallanku.

Q

Huk llaqtakunapa yachayninkuna





55