Página — Comunicacion PRIMARIA (pág. 70)

3

Nawinchasqanmanhina ruyaykuna:

Kay qatiq qillqasqata ñawinchay, hinaspa qallariyninpi tapukuykuna kutichisqaykiwan tinkuchiy.

Yaku Mamanchikmanta

kawsakuyninchikmanhinaqa Yaku Mamanchiktam anchata chaninchaspa yupaychanchik. Yaku Mamanchiqqa Pacha Mamanchikpa yawarninhinam, mana pay kaptinqa manachá runakuna, uywakuna,sachakunapas kawsanmanchu, ni imapas kanmanchu, chaymi sumaqta hamutarispa Yaku Mamanchiktaqa llapallanchik waqaychananchik, yupaychananchik ima.

Kay qipa watakunatam Yaku Mamanchik llapallan llaqtakunapi utqayllamanña pisiyachkan. Pukyukuna, quchakuna, mayukunapas llakikuyllapaqñam chakikuchkan. jlmanasqataq Yaku Mamanchik tiqsi muyunchikpi sinchita pisiyachkanman? Yaku Mamanchiqqa pisiyachkan, llapa runamasinchikkunam llumpayta Pacha Mamanchikta lastiku qupakunawan qachachaptinkum,chaynallataqmi minaskunamanta yana qusni liuqsimun, antakuna mayllasqanku qacha yakupas. Chayhinallam hatun llaqtakunapipas waprikakuna llumpayta qusnichikamunku, hinallataqmi kalikunapipas lata karukuna qusnikustin purichkanku,chaykunam allpanchikkunata, yakunchikta, wayratapas llumpayta qachacharqunku. Hinaptinmi, Pacha Mamanchik quñirikuchkan,chaymi ritikunapas chullukuchkan, yakupas waspirikuchkan,chaymi Yaku Mamanchiqqa pisiyakamuchkan, chaynatam lliw yachay maskaqkunapas minkakamuchkanku, chay ONUpas willakamuchkan.

Chayna kaptinmi lliw tiqsi muyuntinpipuni ancha llaki kachkan. Chaymi uchuy hatun,qaripas warmipas, llapallanchik Pacha Mamanchikta ama qachachasunchu,aswanqa chay ñawpaq awilunchikkunapa hinallataq chay Movimiento por la Defensa de la Tierrapa nisqanmanhinapas sachakunata wasinchikkunapi,llaqtanchikpipas mallkisun, ichapas chaynaqa sumaq kawsakuyta haypachwanraqpas.



68