Página — Comunicacion PRIMARIA (pág. 73)

3

1Nawpa awilunchikkunapa Yaku Mama chaninchaspa yupaychasqankumanta yachanapaq ñawinchasunchik.

Yaku Mamanchikmanta

Nuqanchik qichwa runakunapa iniyninchikmanhinaqa llapallanchikmi Pacha Mamapa Wawallan kachik, chaymi wawqintin panintinhinalla kawsakunchikpas. Chaynallataqmi kay Pachanchikpi llapa imapas ñuqanchikhina kawsakuqmi,manam imapas mana animayuqqa/illayuqqa kanmanchu.Chaymi ñuqanchiqqa Yakutaqqa mamanchiktahina qawanchik, pay kaptinmi mikusqa kanchik, kawsanchikpas,manachayqa manachá imapas kanmanchu.

Chayraykum ñawpaq awichunchikkuna, Yaku mamanchiktaqa imamantapas harkakuspa, chuyay chuyayta waqaychaqku,manam runapas ni uywakunapas qachachanmankuchu karqa.Chaynallataqmi Yaku Mamanchiktaqa raymichaqku ancha kuyakuywan, kusisqallaña, pukyupa, hatun quchakunapa ñawinman waytakunata,mikuykunata, uywachakunatapas haywakuqku, chaymi watan watan sumaqllataña parapas chayamuq, yakunchikkunapas ancha chuyay chuyay purikuq, llapa runakunata, uywakunata mallkikunata,tarpuyninchikkunatapas sumaqllataña uywastin.

Kunan qipa watakunatañam Yaku Mamanchikta llumpayta imawanñapas qachachanchik, chaymi pisiyakamuchkan.Nichkankutaqmi kaymanta 50 chunka watamanqa aswantam chakirqamunqa nispa, chayna kaptinqa llapa kawsaqkunam wañusunpuni. Chaymi Ilapallanchik Yaku Manachikta, Pacha Mamanchiktapas sumaqta waqaychana ama qachachaspa.

Q


Huk llaqtakunapa yachayninkuna

71