Página — Comunicacion SECUNDARIA (pág. 15)

Hllasqaypi kawsaykuna huqariy riqsisqay (Runika)

Qillqaq: Yumar Carina Orosco Palomino

2015 wata, 5 punchaw, kuski killam karqan. Yaqa 5 watamantañam kaqmanta kawsaykuna huqariy pachapi, laqtay watukuq rinaypaq allichakurqurqani. Llaqtaymanqa huk karullam sapa hunka rin,saqirqachikusqaqa manañam illayta atiwaqñachu. Chaymi manaraq wallpa waqachkaptin karu suyaqña rirqani.

Karu sayananpiqa huk maqta suyachkasqaña, asuykuspaymi yaqa 1 pacha rimanakustin kuska suyaniku, chaypim pi kasqanta, mayman hinallataq imaman illasqantapas yacharquni; payqa Lima llaqtapi chakra uywaqhina qispinanpaqmi yachakuchkasqa. Chiwillum sutin,payqa yachayninpi qispikunapaq, anti ayllukuna imayna kinuwa huqarisqankumantam huk maytuta qillqanqa.

Yaqa 1 pacha 3O tullminta purispam Waykaray llaqtachaman chayarquniku. Chaypim siqamuq runakuna, kawsaykuna iraypi ayllukuna kasqanmanta rimapakustin qispirqamunku. Chiwilluqa uyarirquspam kuskanchanaypaq mañaykuwan hinaspam karumanta uraykarqachiwan.Payqa Muchilakusqallam purin, chaypiqa uyan, kirun mayllakunanpaq hinallataq apukuna haywarikunallanpaqmi apasqa. Nuqañataqmi iskay kustalpi aylluypaq kuyakuyniyta aparqani.

7 a.p kanman karqan. Manam pi runatapas riqsinikuchu. Kayman wakman qawakachachkaspam huk warmita rikurquspa asuykurquniku.Chiwilluqa wayrallam chay punchaw pi ayllu irasqantam tapukun.Warmiqa wasinman yaykuykachiwaspankum sara lawachanta hinallataq mutinta kisuyuqta qaraykuwaspanku mallaqyaykachiwanku. Hinaspa,chay punchaw pay kinuwa irasqanta willaykuwanku. Hakuyá nispa niykullawanku. Sumaq sunquyuq ayllum kasqaku, kayna sunquyuq ayllutaqa llaqta ukupiqa manam tarikunñachu.

Lliw apasqaykuta churapakuykuspaykum warmitaqa kuskachaniku,Chiwilluqa tukuy ñantam kawsaykuna huqariymanta tapukustin rin."Kay llaqtaykupiqa kamallatam tukuy ima kawsaykunataqa tarpukuniku,ayllu masiykunawan mallichinakunaykupaq hinallataq apuykuman

13