Página — Comunicacion SECUNDARIA (pág. 17)

qatarirquspa hatun mamaywan rimanakuchkasqaña. Chaypim kawsaykuna huqariypi kasqankuta hinallataq chayllaraq achitata kuchumusqankutapas willachkasqa. Chiwilluqa imallañach achita huqarinankupaq huk hunkata chakinankama suyaykun. Payqa manam haykapipas achita huqariytaqa rikusqachu.

Achita huqariy punchaw chayarqamuptinqa hatun ñan karukuna

Runika.

Kay qillqasqapiqa pacha ripusqanpi runakuna tukuy ima yuyayninpi rurasqantam qatillapi purisqanmanhina willakun.

purinanpim hatun yana yutita mastarqunku hinaspam rutusqanku chaki achitata hawanpi mastarqunku. Karu apaqkunaqa hina achitapa hawantam karutaqa purichinku. Karukuna purisqanmanhinaqa yapamanta huk karukuna sarunanpaqmi utqayllaman asuykuspanku tikraqhina huñupaykunku. Tumpanmantaqa huñurquspankum kustalman winarqunku, chaymantaqa wasinmanmi karitillawan astarqunku. Huk punchaw wayra kaptinñas wayrachinku.

Mana sasachakuspallam achitata huqarirqunku, manam pipas lukuyakunchu, manam uywakuna kanchu, manam mikuy kanchu, manam apukunamanpas Mama Pachamanpas haywarikunkuchu. Chiwilluqa hatun mamayta tapun, imanasqataq kinuwatahinaqa mana huqarinkichikchu,nispan. Payñataqmi kutichin: waway chay ruraykunataqa manañam kaypiqa ruranikuñachu; karullawanña saruchispam utqayman huqariniku,kaynaspaykum qullqita mana usuchinikuchu.

Utqayllamanmi hunka ripukun, kutinayku punchaw chayarqamun,Chiwilluqa 14 punchaw kuski killapi, hatun mamaypa kuyakuyninta (sarata,achitata) qipisqa kutikun.

√

Qatiq tapukuykunata allinta ñawinchaspa, qillqana maytuykipi tapukuykunata yuyaymanaywan kutichiy.

1. Qillqaq ima ruraykunatataq pacha ripusqanmanhina willakusqanpi riqsichichkan. Mañakusqanmanhina kutichiy.

15