Página — Comunicacion SECUNDARIA (pág. 16)

haywarikunaykupaq haypaqllatam churakuniku; manachayqa usunmanmi hinaspa ñakawaptinku muchuyman ayllu yaykunman. Huqariy punchawkunaqa pim kuyawaqniykum yanapakuq hamun, paykunawanmi kusisqalla kawsaykunataqa huqariniku". Warmipa kay rimasqanmi yuyayniypi muyukachan.

Yaqa 1 pachapim may irananman chayarquniku. Chiwillu ancha ancha kusisqam kuka apasqanta apukunaman pukuykuspa riqsikuykun.Irana pampapiqa hatun mantarakunapim iskay niraq kinuwakuna mastasqa chakichkasqa: huknin puka kaq kinuwaqa mana qatqiyuqsi,chayqa warmi kinuwas. Huknin qillu kaq kinuwañataqsi nisyu qatqiyuq,mayllasqa yakunqa pacha taqsakunapaqsi allin.

Irana pampapiqa 1O runakunam kaspiyuqkama kachkasqa,warmikunañataqmi palta rumichayuqkama kachkasqaku. Kuraq taytam Apuman, Mama Pachaman haywarikun, chayñam irayta qallarinku,qarikunam kaspiwan waqtaspanku kinuwataqa pututurqachispanku pawarqachinku, ñuqaykupas iskay kimsa waqtayllataqa yanapakurqanikum.Warmikunañataqmi palta rumipa hawanpi qaqupanku. 2 chisinkuy pachamantaqa wayrachinku hinaspa sumaq chuyay chuyayña kaptinmi manaraq kustalman churachkaspanku waskawan lasurqunku; kinuwa mana

utqayman tukunanpaqsi chayta ruranku.

Yaqa 6 chisinkuy pachatañam uywakunawan kinuwataqa astarqurqaniku.Nisyu tutaña kaptinmi,paqarinytintaña llaqtayman chayanaykupaq rimanakurquniku. Chayllapim taytachapa apachimusqanhina,unquqkuna apaq karu

llaqtayman richkasqa. Chay karum mana musyayllapi laqtaymanqa chayarqachiwanku.

Hatun mamanpa wasinmanmi chayarquniku. Payqa pituykachakuspanmi chaskiykullawanku hinaspa samaykachillawanku. Chiwilluqa huknin punchawtaqa, manaraq pisquchakuna takiyta qallarichkaptinkum


14