Página — Comunicacion SECUNDARIA (pág. 20)

Qillqaq: Qillqaq: Yumar Carina Orosco Palomino

Maya llaqtapa anti suyunkunapim amarantu kawsaytaqa yaqa tawa waranqa watayuq chullpakunapi hinaspa aya uchkukunapi tarisqaku.Kayqa ñawpa Maya aylukunapa uywasqankuraqmi kasqa. Kay amarantuqa yaqa waranqa waranqa ripuq watakuna allin waqaychasqa kasqantam qawachiwanchik. Maya Miksiku ayllukunapa allin kawsaynin pachapiqa kay kawsaykuna uywayqa allin qawasqam kasqa. Paykunaqa ñawpaqmantaraqmi amarantuwanqa uywanakurqanku.Apukunapa kuyasqan kawsay kasqanraykum amarantuqa kallpasapa chaniyniyuq karqan. Manaraq Ispañamanta, kay Awya Yala allpakunaman, runakuna chayamuchkaptin amarantu kawsaytaqa huk kawsaykunawan kuskatam tarpusqaku. Kay kawsayqa llapan ayllukuna mikunanpaqmi kasqa.Hinallataqmi kay amarantuqa ancha ayllukunapa munasqan mikuna karqan. Chaynallataq Apukunaman haywarikunankupaqpas allintaqsi karqan, kamachikuqkunamanpas,wañuqkunamanpas qupurqakutaq.Wakin allin chaninchasqa ruraykunapim kay amarantuqa kamchasqa,kutasqa paqpapa miskinwan chapusqata mikusqaku. Pacha Mamapa kaqninkunata, iñisqanku Apukunata, uywachakunata,chaqwanakuqkunatam simi miskichiy mikuykunata qispichirqaku.Haywarikuy tukuytaqa simi miskichiq mikuykunata kuchuspa llapan haywarikuyman riqkunaman mikunankupaq aypurqanku. Ispañamanta hamuq runakuna tukuy ima ayllunchikkunapa yachayninkuta qipachakuspankum (runatam sipinku chay haywanankupaq nispanku)chaynata nispa hanay pacha taytachaman iniyta kamachikurqaku, kayna yuyaymanaywanmi kasuchikurqanku. Chaywanmi amarantu uywayqa mana allinhina qawasqa karqan, hinaspapas Ispaña runakunapa kamachikuynin tukunankamam uywayninpas mikuyninpas harkasqa karqan. Harkasqa kasqanraykum amarantuqa chinkarqurqan.

Kaypi qimikusqa: https//sipse.com/novedades-yucatan/amaranto-mayaspropiedadesnutricionales-yucatan-402077.html

Maya llaqtapa amarantu uywasqan

18