Página — Comunicacion SECUNDARIA (pág. 30)

500 watamantañam, mikuypaq tarpuypaq huñunasqa suyukunapa allichakusqan, inlis simipi FAO simiwan riqsisqa, kaynata nin: kinuwa kawsayqa ancha ancha kallpayuq kawsaymi, runa mikunanpaqqa kusa kusam, nispa.

Kinuwa rurupim imaymana mikuykunapa kallpan tarikun. Kayraykum hanay pachaman illaqkunatapas kinuwata mikuchinku. Chaymi 3O qipa watamanta tiqsi muyu llaqtakunapi kawsaq runakunaqa yapamanta mikuyta qallarichkanku. Llaqta qatukunapipas kinuwa, kiwicha rurumanta imaymana mikuykunaman tikrarquspankum rantikuchkanku. Hina kikin rurullatapas mana chayqa chawa, kamchasqa kutapipas hakutahinapas

wiñaputahinapas kamchatahinapas simulatahinapas mikuchwanmi.Chupikunapiraq, humintapiraq,pastilpiraq, uchupiraq, pikantipiraq,saqtapiraq, tantapiraq, lawapiraq,aqapiraq mikuchwan.Nawpa tayta mamanchikkunaqa tullunta,llaqinta kañarquspankum tuqrata,

liptata ruraqku. Chaywanmi kukata akuspanku miskichiqku. Kinuwaqa unquykuna hampikunapaqpas ancha kusam.

Nanay chinkachinapaq, punkipakuy chinkachinapaq ancha allinmi.Sapa kutilla kay rurukunata mikuspaqa sasatam runakunapas payayanku machuyanku.

Kiwichaqa runakunapa kawsayninpaqqa ancha allinmi. Kay ruruqa achka achka kallpayuqmi. Kay kawsaytapas Ispaña runakunapa huchanpim manaña llaqta masinchikkuna mikuyta munarqankuñachu. Kiwicha mikuq runakunaqa sapa punchawmi kallpasapalla kusisqallaña imatapas ruranku.

Amarantupas kinuwahinam imaymana unquykunata hampin.Aychamantapas lichimantapas aswan ancha kallpayuqmi. Astikakunaqa kay kawsaywanmi ima manunkutapas haywaqku hinallataq apunkunamanpas haywarikuqku, chaymi Ispaña runakunaqa kay kawsaytaqa chinkachiyta munaspanku anchata chiqnikurqanku.Kay watakunaqa llaqinkunatapas yuyutahinam mikunku. Llaqinqa qichawan kaptiykipas chakichinmi, rurunchiktam mayllan, kiru aycha yawarchakuptinpas chakichinmi, kunka nanaypaqpas allinmi, punkisqa


28