Página — Comunicacion SECUNDARIA (pág. 89)

ukunkunapi purisqanku, tukuy ima sasawan maskasqankupas qunqaypich qipanqa; aswanchá hatun ayllukunapa churinkunaña, huk kuti hatun kallpasapa runakunapa pampakusqan wasipa chimpanpi sayaspanku,manaña ñakakunqakuñachu.

Yachayniykuqa huk niraqmi, paykunawanqa manam anchaqa tinkunchu,ichaya yuraq aycha runakuna yachanankupaq punchaw kanman.Apuykuqa, paykunapaqpas kikin Apullam. Ichaqa, paykunaqa Apuykutaqa uywahinatam qawachkanku. Allpayku hapikuyta munasqaykitahinach Apuykutapas hapikuyta munachkankichik. Nisqayki, chay ruraytaqa qamqa manam atiwaqchu. Payqa runapa Apunmi, kuyakuyninqa hinallam yuraq aycha runapaqpas puka aycha runapaqpas. Payqa kay allpataqa kuyakunmi.Allpa kirichayqa paqarichiqnin ancha chiqniyninmi.

Ichaya Awya Yala aylukuna manaraq tukuchkaptin yuraq aycha runakuna chinkanman. Hinallayá puñunaykita qachachachkay, qanrachasqaykipi puñunaykipaq punchaw kanqam. Lliw witarakunata/wisuntikunata wañurqachiptinku, lliw sallqa uywakunata sillarquptinku, chaymanta sachakuna mana qawasqa, uchkunkunapi runallaña asnaptinqa, rimaysapa yuraq warmikuna urqukunata wampurquptinqa, imataq kanqa. Maypitaq sachakuna: chinkasqa. Maypitaq anka: chinkasqa. Wiñaypaq wiñaqta chinkachisunchik. Uywa hapiypas qullurqun. Wayrahina kallpaypas chinkarqun. Kawsayqa wiñaypaq ripukun; chaymanta qipamanqa kawsapakuytach qallarisunchik.

Yuraq aycha runakuna ima musqusqanta yachaspaqa, ichaya munasqankuta haypachwanpas. Imatayá chiri mita pachakunapi churinkunata rimapayanku.Ima musquykunawanya achikyayta qawanankupaq ǐutqunkuta qachachanku. Aswan ñuqaykuqa sallqa upam kasqaniku. Yuraq runakunapa musqusqankuqa pakasqam ñuqaykupaqqa tarikun. Pakarayasqa kaptinmi ñuqaykuqa ñanniykuta qatisaqku. Nuqayku anri nispaqa, maypi yachanayku allpa rakiy munasqankuta takyachinallapaqcha. Ichaya chaypiqa as punchaw kapuwasqanchikkama kawsachwan, chaytam munanchik.

2CCCCGGGGGGCGC -GCGGG CGGGC

87