Página — Comunicacion SECUNDARIA (pág. 35)

个

Kunanqa, kaykunata rurastin Nawinchayta / likayta qallaykuy.

• Nisyuta rimastin sapakama huk wachuta awinchaychik.

• Maykunapi qullqa pirqasqanku rimaq rimayta pukawan siqiy.

• Imayna punku hinaspa uchsi kasqanmanta rimaq rimaykunata anqaswan siqiy.

Qusqu llaqtapi sayaq qullqakuna

Qillqaq: Mónica Moreano Barrientos

Nawpa unay tayta mamanchikkunaqa, ayllunchikkunaqa Wari, Chanka,Wanka, Yaru, Inka sutiyuq llaqtakunapim huk aylluhinalla yachaqku.Rakinasqahina kaspankupas huk rikchaq simillawanmi rimanakuqku,awqanakustin kawsaspankupas huk yachayniyuqhinallam imatapas ruraqku.Lliwchankum imaymana rurukunata tarpuqku, kawsay huqarisqankutam imaymanaman tikraqku: chuñupi, machkapi, murunpi, kuchkupi,kutakunapi, chullqipi, chuchuqapi, chaki papapi, hukkunapipas.

Mikuyninku mana pisiyananpaqñataqmi, muchuy pachakunapi mana yarqay kananpañataqmi imaymana taqikunapi allicharquqku. Paykunaqa, maypi taqi rurayta, imakunawan rurayta allin takyasqatam yachaqku, chaymi kay qillqasqapi Inkakunapa imayna taqi rurasqankumanta tiqsichaykusaq.

Qullqa pirqanankupaq Inkakunaqa allintam maypi tiyachinankuta riqsinanku karqan. Nawpaqtas kaynata tapukuqku: maypich pirqayman,imakunawanraq pirqayman, imaynaraq pirqawaq,imakunawanraq pirqawaq nispa.

Qullqakunataqa takyasqa allpakunapim, mana suchuq allpakunapim pirqaqku, wayrana allpakunapim pirqarqanku hinaspapas suwakuna awqakuna mana yaykunanpaqmi sasa purina allpakunapi, nisyu waqta, qata urqukunapi pirqaqku. Chaynam unay unay hawka mikuyqa taqirayaq.

Qawasqayki wasi kaqllaña qawakuq rikchanaqa qullqa sutiyuqmi. Waqta

33