Página — Comunicacion SECUNDARIA (pág. 36)

urqukunapim inka qullqakunataqa qawanchik, chaymi pata patakunapi pirqasqa rikurin. Imaymana sayayniyuq rikchayniyuq, rumikunawan mituwan pirqasqam qawakun. Qullqapa pirqasqankuqa ñawchi umayuqpim tukun, qatanankupaqñataqmi raku qirukunawan chakasqaku. Qirukunaqa pirqapi allin hapichisqahinam qawakun, qatanñataqmi iskay uyayuq, kay uyakunaqa nisyu waqtam, chay punchawkunaqa ichuwanmi qataqku,nisyu waqta qata kasqanraykum sinchi para chayamuspampas mana wasi ukuman sutuqchu. Intiman qawaq kichki suytu punkuyuqmi. Punkupa hawanpiñataqmi uchuy suytu uchsita rurasqaku, wakin pirqakunapiñataqmi hukllapas kimsa tawa uchsitapas saqisqaku. Kaynintakama wayra mana sasachakuspa purinanpaqmi kayna uchkuyuqta pirqasqaku.

Iskay rikchaq qullqakunatam ñawpa tayta mamanchikkuna pirqasqaku,hukninmi suytu hukninñataqmi ruyru. Ruyru qullqakunaqa 2-manta 6ta tatki Sayayniyuqtam pirqasqaku, suytu qullqatañataqmi 3-manta 10 tatki sayayniyuqta pirqasqaku. Wakin qullqakunapa ukunpiqa uchuy wasichakunapi rakisqatam pirqasqaku.

Kay qullqakunapim imaymana kawsaykunata qipa punchawkuna mikunankupaq taqiqku. Suytu kaqpim papata, uqata, maswata ima taqiqku,saratañataqmi ruyru kaqpi taqisqaku.

Kay rikchaq yachaykunam kay punchawkunaqa chinkarqunña. Kay qipa

二


34