Página — Comunicacion SECUNDARIA (pág. 50)

salmun uywanapaq yakupa rikchayninqa (chiri) kusa allin (pusaqmanta chunka tawayuqkamam chirisqa.) Huk allpakunapiqa mana kayna rikchayniyuq yakuqa kanchu. Kayraykum salmunqa anchata wampun.Nurwiha allpapim Artiku chiri yakuwan uray allpakunamanta hamuq quñi yaku tinkun. Chiri yakuwan quñi yaku hukllawakusqanraykum salmun

kawsananpaq miski yaku rikurin.Nurwiha runakuna chay rikchaq yaku salmun uywanapaq kusa kasqanraykum munaynintawan,kallpantawan yachayninkuta huñuykuspanku manchay salmunkunata uywanku.Kaynam ñawpa Nurwiha llaqta kawsakurqan,paykunapa

yachachisqanwanmi kunan hinalla llamkachkanku.

Puchqu hatun quchapim ruyru wasita salmun uywannakupaq ruranku. Ruyru wasipa kinrayninqa 20O tatki sayayniyuqmi, ukunpa sayayninñataqmi 5O tatki. Salmun wasikunataqa hatun qucha yaqa patallanpi tiyachinku.

Kaynam salmun wasikuna Nurwiha hatun qucha patankunapi chutarayachkanku. Kay wasikunapim allin sayayniyuq kanankukama uywanku. Kaynata uywaspankum kikinmanta wiñaq salmunhina miski miski aychayuq kanku aswan sallqa salmunkunaqa unaytam wiñanku,ruyru wasikunapi uywasqakunañataqmi utqayllaman wiñanku,

manam chayllaqa machuyankupaschu manataqmi unquykunawanpas hapichikunkuchu.

Imaynataq kachi yakuman salmunkuna chayamunku. Salmunkunaqa miski yakupim runtunku, chaymi uña salmunchakunaqa miski yakupi paqarinku. Iskay kimsa killam miski yakupi kawsasqankumanta kachi yakuman rinku. Kachi qucha yakupim rikchaynin hukmanyan.Wataman chayarquspanqa qucha chiri chiri yakupi purinanpaq ñam allin kallpayuqña. Hatun quchapiñam, ruyru wasipiñam 7 mana chayqa 8 kilu llasanankama hawka kimsa watapi wiñanku.


https://reportajes.lavanguardia.com/noruega-mejor-salmon-mundo-brV

48