Página — Comunicacion SECUNDARIA (pág. 20)

yachasqaku. Tawa watamanta chunka iskayniyuq watakama qari warmakunañataqsi arkuwan uywa sipiypi allin yachayniyuq pi kasqanta kikinkupura qawanakuqku. Warmi warmakunañataqsi mamanwan sachakunapa sapinta rurunta pallastin, maypipas imatapas rurastinsi kuskalla kaqku.

Runakuna uywa hapiq risqankumanta kutimuptinkuqa llapansi mikuqku. Lliwmansi mikunataqa kamasqanmanhina aypusqaku.Wasillapi kaqmanpas mana chay punchaw uywa hapiq riqmanpas haypachiqsi.

Uywa hapiq runakunaqa huñupis rinku, wakinsi huk punchaw samanku,wakinñataqsi uywa hapiq rinku. Kayna kamachinakusqas kanku.

Chayna churapanakuspas ayninakuspas sumaqllata kawsanku.Paykunaqa uywa sipinankupaq mikunanta, upyananta,llamkayninkunata ima allichakuqku hinallataqsi takinankupaqpas tusunankupaqpas rimanakunankupaqpas pachata rakiqku.

Paykunapa iñiyninqa hampiqkunapis. Paykunapa yachayninkunas ñawpa wañuq runakunapa unquy paqarichisqanpi sapichakun. Chaysi runakunaqa unquqkuna kuskachananta munaspanku hanay pachamanta qayachimuq.

Chayraykus pipas unquyta qallariptinqa hampiqsi tusuywan raymichaqku. Lliw llaqtapi runakunas hinallataq qari warmi hampiqkunapas chaypi kananku kasqa.

Wañukuqkunataqa sumaqchallata uywaspas pampaqku. Chaynallataqsi ancha munayniyuq 'Mudimu'sutiyuq animapis iñiqku. Wakin 'Wuqwira''wuhali'sutichasqa saminchayninkuqa qarikunapaq warmikunapaq qallariy saminchayninsi.'Gofethla pula'chayñataqsi saminchay paqarichinapaq.

Kaymanta hapisqa: https://viajesportanzania.com/datos-utiles/culturaprincipales-etnias/ los-bosquimanos/

18