Página — Comunicacion SECUNDARIA (pág. 17)

Nisqanmanhinas puyupas chinkarqun. Qipa punchaw achikyayllata mama Marya miski puñusqanmanta hatarirquspa papan qawaq utqayllaña risqa.Llakisqallañas sumaq waytariq papan qawaq chayarqusqa. Papanpa sumaq yurankunapas yanusqahinas yanay yanay pampapi kakuchkasqa. Mama Maryapaqa yuyayninpas chinkarqusqas. Tayta Antukumansi willakuq risqa. Wasinman chayarquspansi waqarispa willakusqa. Tayta Antukuqa manas kaqpaqpas hapinchu, chaymantas qawaq risqaku. Mama Maryaqa chakranman chayaspansi waqakullan, Tayta Antukupas qasasqa papata qawaykuspansi waqaysillan. Iskayninkus taytachata qayakuspanku waqallasqaku.

√

Nawinchayta tukurquspaykiqa, tapukuykunata qillqana maytuykipi kutichiy.

1. iNawinchasqaykimanhina pipataq hatun punchawnin?

2. iImatataq tayta Antuku munarqan?

3. iImamantataq qillqasqa rimachkan?

4. iNawinchasqayki ima rikchaq qillqasqataq kanman? Imaynanpi yachanki.

5. iImanasqataq mama Marya tayta Antukuta asnumanta wichirqachimun?

6. iAllinchu qampaq tayta Antuku machasqan kanman? Imarayku.

7. Imanasqataq tayta Antuku mama Maryata "paqarinmi qampaq qasa kanqa" nispa nin?

8. iLlaqtaykipi ima llamkaypipas ayninakuchkankuraqchu?

9. iAyni mana chinkanapaq imatataq qam rurawaq? Munasqaykita qillqay.

10.Qillqasqa ñawinchasqaykipi mana riqsisqayki simikuna tarisqaykita kay qatiq chirusqata siqispayki ima nisqanta qillqay.

15