Página — Comunicacion SECUNDARIA (pág. 65)

ñawi warakantañaqmi tiyananpa waqtanman churaykun.TAYTAKU: Karahu, imaynataq mana tantiyarqanichu. Imaynataq qawachkaspayqa mana qatiparqanichu. Kikillaymi kay warakaywan maqakuymanpas. Kikichallaymi umaytapas rumikunamanpas takayman.

II ruray

Kayna sapallan rimachkaptinmi churin rikurirqamun. Churinqa chuklla punkupi sayaspam rimaypa patallanta uyarispa rimarin.CHAKALLI: Taytay, rimakuykullayki. TAYTAKU: (Hukmanyasqahina, pinqapakusqahina) Imatataq kaypiqa rurachkanki. CHAKALLI: Yanta pallaqmi hamurqani. Chay yuraq yuraqchatam tullpa ratachinaykupaq apasaq. TAYTAKU: Allinmi, allinmi ripuyña, uwihanchikta qatistin hamusaqñam.CHAKALLI: (Muntusqa yantata qipikuykun) Richkasaqña taytay, chaylla hamunki. Unaykamuptiykiqa mikuyqa chirirqunqam.

III ruray

Punchuchanwan aytikusqa, yana allquchanwan kuska churinpa wasinman chayarqun. Yanuna wasiman yaykuspa patachapi tiyaykun. Churinpas tiyaspa mikuchkanña. Sumaq pachayuq warmi wawanñataq mikuyta qarachkan.

ANKA: Taytallay, kay quñi chupichata papa yanuychayuqta,kamchachantinta mikuchaykuy.

TAYTAKU: Pay mama. Nuqaqa mikurqunkuñachiki nispay nichkarqani.ANKA: Manam suyaqhinam allinllamanta yanukurqani. Chirirquptinqa manam allinchu kanman. Qamqa machuchañam kachkankipas.

IV ruray

Mikuyta tukurquspankuqa, chakranku qawaq taytanwan churin rinku. Purisqankupi Chakalliqa taytanta tapupayan.

CHAKALLI: Taytay, imamantataq sapallaykiqa rimachkarqanki. Taytakuqa

63