Página — Comunicacion SECUNDARIA (pág. 66)

waqayta qallaykuspan makinwan ñutinta pichaspa kutichin.TAYTAKU: Sunquypa rimaynintachu uyarirqanki. Uyariyta munaspaqa ama mancharispalla uyarinki. Ama pinqawankichu.Ama waqankichu,llakikunkichu. CHAKALLI: Nuqaqa qarim kani. Manam mancharisaqchu.TAYTAKU: Nuqataqa mamallayqa chakra patanpim wachakuwarqan.Nuqaqa allpawan pukllastinmi wiñarqani. Chaypa chawpinpim ñuqaqa ima mikuykunatapas kawsanaypaq mikurqani. Puraminti wakcham kallarqaniku. Imakunatapas ruraqmi kani, pipas mikuypaq llamkachiwaptinqa llamkallaqmi kani. CHAKALLI: Yanqatachushinam rimachkanki. TAYTAKU: Munankichu willanayta, icha manachu. Chayna punim kawsayniy karqan. Yuyarispaymi waqallani. Sunqullaymi nanan waqaptiyñataqmi rumiyan. CHAKALLI: Imanasqa. TAYTAKU: Llakipi kawsasqayta yuyarispaymi waqani. Yarqaypi wiñasqayta yuyariptiymi tukuy ukuy nanawan. Mamaypa taytanmi kaynata rimapayawarqan: Kaypiñach mikuykunata tarpunki. Nuqapa kallpayqa tukuchkanñam. Mancharispaymi uyarirqani.Yachay wasiman huk killallam rirqani; mana qullqi kaptinmi saqirqurqani. Yachay wasiman rispa pacha churakunay manam karqanchu. Pachayqa ñuqapaqa punchuchaymi karqan. Yachay wasiman rinapaq pacha churakusqankuqa achka qullqipaqmi karqan.Mamallayqa sapan warmi kaspapas mana llamkayniyuqtaqmi karqan.Kayraykum saqirqani. Chaymi qamta yachay wasiman pusanaypaq kaypi llamkachkani. Qipa punchaw imallapas kanaykipaq.Nisqaymanhinam taytakuchallay llapa allpanta saqiykuwarqan. Qammi llamkanki, nanachikunkim, nispam,chunkay chunkayta niwarqan.Wañukunan punchawpas yapaykuspa yapaykuspam ñuqahinam tarpunki nispa kunawarqan. Chay niwasqanta pampaykuspay,qunqaykuspay, qipachaykuspa pinqaypi tukuni.

64