Página — Comunicacion SECUNDARIA (pág. 90)

Imaynataq chinukunapa ñiqi pacha rikurimurqan. Unay willakuymanhinaqa kaynas:"Buda”runas taytachahina kanchariyta qallaykuspan lliw uywakunata huñunakuyman qayasqa. Chaysi huñunakuyman 12 uywalla risqaku. Kaykunatas ñiqi pacha rurasqanman winaykusqa.

Chinu ñiqi pacha rurasqanku ukupiqa 12 chirusqakunam tarikun,kaykunam watata, killata punchawta purichin (chaymi 24 pacha 12 uywapi rakisqa tarikun).

Kayhina: Wata paqarisqanmanhinaqa runaqa manam tihrillachu kanman,tihriqa wata paqarisqallantam riqsichin (sapallan uywa). Ima killapi paqarisqanmanhinaqa utulupas kanmanmi (ukun uywa) hinaspa ima punchaw yurisqanmanhinaqa amarupas kanmanmi (pakasqa uywa). Kay qipa uywas imayna runa kasqanta riqsichin.

Huktawan qawaykusunchik: 1963 watapi, kuski killapi, 10 tuta pachapi qapariptiykiqa, kaynam kanki: wata paqarisqaykimanhinaqa kunihum kanki,uku uywaykiñataqmi kawallu, pakasqa uywaykiñataqmi kuchi (kunihukawallu-kuchi).

Kaynaqa, Chinukunapa qawasqanmanhina imayna runa kasqanqa imayna yurisqanmanhina uywakuna chapukusqanmi. Kaykunam chay uywakuna:Rata: Yuyaysapa—ruraq Turu: rimapayana- yuyaymanaq Tihri: Mana manchakuq— kuyakuq Kunihu: Llampu sunqu —uyarikuq Rahun: Qispikuq — sapallan kaq Amaru: Mana riqsiy atina— payñama Kawallu: Llamkaysapa—rimapayakuq Kawra: Musyaq— yachakaq Chipi: Asichikuq— ruraysapa Utulu: Amachakuq —chiqa runa Allqu: Mana manchakuna—kuyapayakuq Kuchi: Musyaq— uyaqllaña

Chinu runakunapa pacha qawasqankumanhinaqa Yin-Yan nisqanchikqa yakuwanpas kulluwanpas ninawanpas qillawanpas allpawanpas tarinakunmi. Kayna:

Yaku: Rata, turu, kuchi Kullu: Tihri, kunihu, Rahun Nina: Amaru, Kawallu, Kawra Qilla: Chipi, utulu, Allqu Allpa: Imapapas chawpin sunqun kasqanraykum mana mayqin uywapas kamachinchu

Kaymanta hurqumusqa: https://astromundus.com/es/astrologia-china/

17

88