Página — Lenguas Originarias PRIMARIA (pág. 26)

chalanakuypaqqa kaqmi tupunkunapas, yachanakuspa kasqanta mana suwanakuspa llankinakuqku.

Illarikuy; kunankamapas illarikuyqa kanraqmi, chaymi sallqamanta qichwaman, yunkamanpas rinku. Ima suyunku patapi mirachisqanku mikuyta, hukkunatapas kawsanankupaq chalanakuypi churaspa qunakunku. Kay illarikuyqa may suyu hichpan kasqanmanmi rinapaq churasqa karqa,Chuqlluquchamanta anti suyupi utaq qulla suyupi kaqkunam Chala suyukunaman uraykuqku.Chinchay suyupi kaqkunañataq qichwakunaman yunkamanpas riqku. Chaynasqankupim maypiña kaptinkupas mikuymantaqa mana pisichikuqkuchu. Aswanmi kunanqa qatullamantaña imatapas rantipakunchik, manañam llankikuypas llumpayqa kanñachu. Sallqakunamantam aycha charkisqata, chitqasqata llamakunapi apaqku, hinalla chuñuwanpas, makapas, hampi qurakunatapas apaqkutaq.

Qillay minayuq kaspaqa pampapi chuqi chulluchisqata charkitahina qipirikuqku. Chaykunawanmi llankinakuspa qichwamanta, yunkamanta apamuqku miski rurukunata, chakichisqa challwakunata,miski asnayniyuq rurukunata, llimpinapaq qurakunata, hampikunatapas misipa sillun, kina,wayrurukuna, qinchukunata, uywakunapa hampinkunata, purunkunata ima yachasqankumanhina hapinankupaq.

Suyukunawan awqanakusqan; Anqarakunaqa manam kikillanmantaqa pitapas awqakunmanchu karqa. Ichaqa imapipas chikiwan intuptinkum umankuta uqarikuspanku manchakuypaq piña runakunaman tikrakuqku. Rimanakuspaqa chullalla simipim imatapas ruraqku. Nawpa paqarinanku ayllukunawanmi musuqmanta aylluchanakuspankum Inkakuna allpankuman chayamusqankupi,awqanakuyman churanakurqaku. Uran Chankapi kaq ayllunkuna nanachikunankurayku,sinchinkunata churarqaku hinataq kallpayuq wallankunata kunarqaku. Paykunam hatun maqanakuyman yaykurqaku, hinaspataq tukupayninkama allinta sayarqaku. Chayrayku lliw tawantin suyuman mitmachikurqaku.

24