Página — Lenguas Originarias PRIMARIA (pág. 23)

Willka sinchikunapas sunqunmanta paqarirqaku, karqataq astu waraka, Mallma, Laywi, Usqurimaq,paykunam ima awqanakuypaqpas kamachikuqku. Manam kikillankumantaqa awqanakuqchu,imapas suyunku chiki intuptinmi usqu misihinapas qaparikuspa maqanakuyman anchuykuqku.Chaymantam Inkakunawan awqanakuptinchikpas Pawkaray kitimanta kamachikurqaku. Nawpa paqarinanku ayllukunawan kuska Qusquman awqanakuq rirqaku, chayraykutaqmi aswan mitmachikurqaku.

Awqanakuypaq yachachisqa kasqanku; wallakunaqa uña warmankumantam maqanakuypaq awqanakuypaq yachachisqa karqaku. Chaypaqmi hatun qullana walla amawtanku kaq.Paymi imahinam maqanakuna,amachakuna, imahinam purina kasqanta, usquhina pina kanankuta yachachiq. Manam wasi qillpu runallachu awqanakuymanqa riqku, allin chaypaq yachachisqa runakunatam kachariqku.

Wakin wallakunam yachasqanpi qullanapaq qispikuqku,chaykunatam sinchipaq akllaqku. Payñataq huk huñuta kamachispan maqanakuypaq apaq, sumaq rimanakuspataq awqanakuyman yaykuqku.Wakinmi maqanakunawan waqtanankupaq allin karqaku.

Hukkuna wachikuwan wañuchinapaq, kuchunawan runa siquy yachaqkuna, tuqlla churaqkuna,wakin waskakunawan runa hapiqkuna karqaku.

21