Página — Lenguas Originarias PRIMARIA (pág. 30)

uyarikuspa mana llumpaytaqa chaqwachikurqakuchu aswan kamachiyninpiña kawsarqaku.

Yawar pampa awaqanakuy qipanta anqarakuna inkawan maqanakusqan

Qusqupi kasqan awqanakuypim Usquwillkapa wallankuna inkakunawan atipachikurqaku.Chaymantam Ichu Pampaman ayqikurqaku, chaypi musuqmanta huñunakuchkarqaku. Inkakuna musyarquspanku manaraq achkayachkaptinku aswan qatiparqaku. Yawar pampapi tinkunakurqaku,chaypim mana mayqinpas kumuykuyta munasqankupi ancha sipinakuy karqa. Chankakunapa yanapaqninkuna wasancharusqanku hawa pisillaña karqaku. Inkapa ayllunkuna llallisqakuta qawaykuspa aswan yanapaqninku yaykurqaku. Chaywan kuskanchakuspa chankakunataqa anaqta maqarqaku, sipirqaku, manchakuypaqta ñakarichispanku.

Kay awqanakuy qipantaqa Anqarakunaqa suyunkuman kutirikurqaku. Mana inkakunapa kamachikuyninta chaskispan qaqayta sayarqaku. Anqarakunaqa achka watam awqanakuypi mana llallichikurqakuchu. Hinaspaña inkakuna wakmanta kaymanta chakupihina Wankakunapa,Chinchakunapa, Warupa yanapakuyninwan ayllupi walla runa purmanankama Anqarakunata sipirqaku. Wakintañataq mitmawan yaqa llapankuta tawantinsuyu suyukunaman chiqichirqaku.Chaymi qipa pachapi willakuqkuna Anqarakuna qaru piña runakuna kasqankumanta kusata rimaqku. Anqarakunaqa sapa ayllupim huk suyumanta hamuq mitmaqkunawan kuskachasqa karqaku. Chaypas tukuy rikuqkunapa qawarisqallan, huqarikunankumanta manchakuspanku,aswan muchuypi kawsachiqku. Chayhinapiñam inkakunaqa Anqara suyukunapi kamachiy wasikunata, llaqtakunatapas tiyachispanku munaychakurqaku.

Anqara suyuman huk llaqtakunamanta mitmaqkuna chayamusqan

28