Página — Comunicacion SECUNDARIA (pág. 40)

qaqakunapi rurasqa. Kay ñankunaqa taksallam, huk runa purinanpaq kamaqllam. Chaymi ñanqa qaqa ukumanqa manchakuypaq rikukun hinallataq chiriwan chikchiwan qapisqa, panasqa qurakunallam qatankunapi qawarikun”.

Tayruna ayllukunaqa yunka urqukunapa chawpinpis wasichakuspanku,huklaw llaqtakunawan tinkunakunankupaq yunka uku qaqapi ñankunata qispichisqaku. Kay ñankunaqa qaqakunata sampalla qispinankupaqsi,rumiwan pata patata pirqasqaku. Hinallataqsi qipiq uywakunapaqqa (Mula,kawallu) karukuna purinanpaqqa huk hatun ñantas minkapi qispichisqaku pata pata ñankunaqa runa purinallanpaqsi.

Tayruna ayllukunaqa allin kallpasapa, allin sayayniyuq kasqanraykus rumitaqa anchata kuyasqaku hinallataq yunka uku urqunkuna rumillaña kaptinsi, paykuna chawpinpi kawsakusqankuraykus rumitaqa aylluhinata qawasqaku.

Nan maskapaq runa Juhn Hyslop, yanapaqninkunawan, Tayruna ayllukunapa ñan rurasqankumanta yuyaymanasqaku. Paykunaqa yachaytam munasqa iimaraykum hatun allpa ñanmanta uchuychallaman chintichinku?iImaynanpim chayllaraq rurasqahina rikukun? Yachay maskapasqanwanqa kay yuyaymanmi chayarqusqa.

"Pata pata ñankunaqa rumi rumi urqupi kasqanraykum unay unay hina kaqlla sayan. Kay ñankunaqa qichpallanpi tarikuq laqtawan tinkunankurayku minkapi qispichisqaku. Ruray qallarinankupaqqa allinta allichakusqaku,chaymantaqa rumikuna allinta takyananpaq 3 takti sayayniyuqllawan rurasqaku. Chaymi kunan punchawakama hawkalla kachkan."

Kunan punchawkunaqa hawamanta hamuq runakunam Tayruna llaqtapa ñawpa ñanninkunataqa waqaychachkanku. Chaypaqmi kay ruraykunata qawarichinku:

Kay ñankunataqa makinawanqa manam allichanachu, pakikurqunmanmi,tuñirqunmanmi, chaymi makillawan Pacha Mamawan rimanakuspa allichana.

Pata pata ñannintaqa sumaq waqaychasqa kananpaq, runallam purinan.

Nanninta qipiq uywakuna, karukuna purinanpaqqa hatun ñankunatam qispirqachina. Kaynam huk llaqtakunawan riqsinakuspa kuskanchanakuna.

38