Página — Comunicacion SECUNDARIA (pág. 39)

Nawinchakaspa. Kay ruraykunata qispichistin ñawinchayta qallariykuy.

1. Nawpaqta upallallaraq ñawinchay.

2. Sapa taqapa ima nisqanta allinta musyaspa waqtanpi qillqay.

3. Mana riqsisqayki simita maskaspa, niyninta willakuy.

Qillqana maytuykipim tapukuykunapa kutichiynintaqa qillqanayki. Chayta amam qunqankichu.

Tayruna llaqtapa ñawpa ñanninkuna maskapay

Qillqaq: Yumar Carina Orosco Palomino

Tayruna llaqtaqa Kulumya suyupa ñawpa chinkasqan laqtas kasqa. Nawpa ñankuna yachaq maskaq runakunas, unay unaymanta, hatunniraq, taksaniraq rumikunawan rurasqa ñankunata qatipaspanku yunka uku urqukunapi laqtataqa tarirqunku. Chay ñankunataqa imayna, imakunawan rurasqa kasqanta yachayta munaspankus, taqwiriyta qallarisqaku. Chaypis hatun,taksa sumaq rumichasqa ñankunata tarisqaku. Kay ñankunaqa qayna wata rurakunmanhina qawakuqtinsi "Qapaq ñan'” sutiwan sutichasqaku.Hinallataqsi pi runakuna qawaqqa sumaq musaqta rikuspankus sunqunkuta suwachikuqku.

Hawamanta hamuq runakunaqa, ñankuna musuq hinalla qawakuptinsi rimapakuqku”kay ñantaqa Ispañamanta hamuq runakunam ruranman karqan' nispanku, chaysi wakin munay yachaq runakunaqa maytukunapi ,runakunata tapukustin Tayruna llaqtapa imayna ñawpa ñanninkuna kasqanta maskapasqaku.

Tayta Ripizo Cabrera, 1994 watapim, maytu qillqasqanpi, Tayruna llaqtapa ñan rurasqan kasqanta musyachikuy.

Kay nisqan:"Ispañamanta runakuna chayamusqan pachapim, pata pata hatun rumiwan rurasqa ñanninkunata, mulakunaqa urqupa haytananmanta urqupa umankama mana atistin ñakarirqan, pisipay pisipay qawchiyyastin urqutaqa qispinku (…..) Wakin ñankunaqa rumiwan takasqahinallam manchakuypaq


37