Página — Comunicacion SECUNDARIA (pág. 36)

awyawyastin huñunakuymanta lluqsirqun. Chaymantam chayraq ñan allichanankupaq sumaqta kamarqachinakunku.

Kay llamkaypiqa lliw runakunam sisillaña huñupi yanapanakustin llamkanku.

Warmikunam yanukunku,warmakunam pukllaqhinalla yakuta aysanku, uywakunata qawanku, qarikunam ñan allichaypi llamkanku, hukkunaqa pinkulluta,tinyata waqachistinmi llamkanku.Llaqtaqa sisillañam kallpaylla kusi kusilla ñanta allichanku. Pinkullupa,

tinyapa waqasqanwan kallpachakustin, wapyapakustin hatun rumikunata ñanpa patankunaman tanqanku, ñutu rumikunata chuqanku, muntusqa allpakunata pampachanku.c

Yuraq aychayuq, kuchihina sinqayuq, murusapa papa uyayuq, masuhina rinriyuq, Limamanta hamuq qariqa manam imapipas yanapakuyta munanchu, hatun sacha sikinpi tiyaykuspam rupaymanta llantukun. Aswanmi runa llamkasqanta asikustin qawan.

Payqa muspaqhinam tarikun, llamkaq runakunataqa umasapa runahina uyayuq chukllurhitam qawan,chaymi payqa asikustin qakarayan. Paypa umanpiqa chukllurkunam llamkachkanku manam runakunachu.Chayna muspaykachachkaptinmi warmin asuykuspan

Chutaya.

Uywapapas, runapapas uyan hukmanyachisqa (hatunyachisqa uchuyyachisqa)rikchanam. Runakuna asichinapaqpas pinqanapaqpas chirusqahina qillqasqam. Kay rikchaq chirusqa qillqasqakuna rikurimuptinqa millay nispam suticharqanku.

qaqchaqhina "imatam iqu warmihina chaypi pakarayanki, qatarispayki imallapipas yanapakamuy. Chaynata runakuna qawasuspaykiqa pinqasqam kanki. Kay llaqtapiqa mikuna kaptinqa mikupakunam, llamkana kaptinqa llamkapakunam, tusuna kaptinqa tusupakunam. Kay ayllupiqa lliwmi sisihina yanapanakustin llamkaniku, manam huk llaqtachakunapihinachu qawapakuylla qawapakunku, qullqillataña suyachkanku. Imatapas sapallankuña rurakunku".

CCCC


34