Página — Comunicacion SECUNDARIA (pág. 66)

qawarqunkiñachu. Taytaykitapas imayna uywawanaykipaq allintachu tapukurqanki.(Llakisqa) Nuqaqa wiñani paykunapa yanapakuyninwanmi,mana paykunapa mana yanapayninwanqa manam allintachu kawsayman.SIWAR: (Piña) Upallay. Chaykunaqa awichukunapa rurayninmi,chayraykum paykunaqa muchuyllapi tiyarqanku. Kunan pachakunapiqa,sumaq wiñanaykipaqqa huk yachaykunañam kan. Nam Limapi, hatun yachay wasipi yachakuq wawqiyta tapukurquniña. Amaña yanqakunata rimaykachaychu. Kinuwachallay, sumaqtam uywakusqayki.(Pisipay pisipay qispirqunku). KINUWA: Chaynaqa allinchiki kanqa (chakrakunata qawaykachaspa)Mayqin chakrapitaq tarpuwanki. (llakisqa) Manaraqtaq qallpasqachu.SIWAR: (Asnumanta qipinta uraykachin) Kaypim uywakusqayki, ama llakikuychu, kunallanmi maypi tiyanaykita qallpachaykusaq, parapas chayarqamunqañachá. Aswanqa, niway maychapim tiyayta munanki. (Kaypi wakpi hawa hawallata allpata takaykachaykun) kunanqa sumaq qallpañam kachkan tarpusaqña (Tuqukunata kichan rimapakustin).KINUWA: (Siwarta qawarayaspan rimapakun) manam allinchu kaymanya aswan ripukusaq, chinkarquptiyqa, hamutanmanpaschá.(Ripuqtukun). SIWAR: (Kinuwata rikurquspan kunkanmanta hapirquspa hampi apasqanwan chapurqun) ripuyta muñachkarqanki aw. Kay asnaqta muskiy, kaymi allin sunquyki tiyananpaq. Kay yakuwantaqmi akcha qullqi huñukunaypaq allinta wiñanki (Lliw chakrapi sirmakacharqun). KINUWA: (Qaparin) Ama chaynawaychu, sumaqllata sirmaway mana chayqa wachupi churaykuway hinaspa pisi allpallawan qataykuway.SIWAR: (Pampaman wikapaykun) Yanqam qaparkachanki, ñuqaqa yachanim rurasqaytaqa, upallayña. Risaqñam. Killamantañam kutimusaq.(Ripukun). KINUWA: (Waqastin chinkaykuqta qawan, chaynachkaspa puñurqun).Huk killa ripurqun. Kinuwaqa chakrapi wañuypa patanpiña kaspan Pacha Mamata qayakullan. KINUWA: Pacha Mamallay, apakuway. Kay nanaymi wañuchiwachkan.PACHA MAMA: (uyarispa llakisqa kutichin) Kinuwachallay pipa huchanpitaq kayna kachkanki. (Qawaspa marqarikuykun).

64