Página — Comunicacion SECUNDARIA (pág. 70)

waspirichispankus, uchuy tawa kuchuchakunata mitupi siqinku, chaytaqa Miksikupiqa"Chapinis”sutiyuqsi, kaypa chawpinpis quruntawan manachayqa rawkanawan uchkuta ruranku hinaspa sapa uchkuchapi amarantu muhuta churanku. Chaymantañataq kawallupa akanwan qatasqaku.

Huk killamantaqa mallkikunañas chakraman astanapaqhinaña kasqa.Amarantu mallkichakunataqa hatun chakrakunapis tarpusqaku. Kunan punchawkamapas chinampa tarpuytaqa rurachkankuraqsi.

Ayllukuna amarantuwan apukunaman haywarikusqankuta rimanakusqankuta ispañulkuna yacharquspas tarpunankunatapas mikunankutapas amacharqusqaku. Chaynaptinsi Astikakunaqa'tzoalli sutiyuq tantata amarantumanta rurarquspanku Apunkunamanqa haywarikusqaku.

Ispaña runakuna, kay rurasqankuta musyarquspas llumpayta piñakusqaku, mana kasukuqkunata ñakakuyman chayachirqanku. Kayraykus manaña pipas manchakuymanta tarpuyta mikuyta munarqankuñachu.Aswan karu chunyaq allpakunapi, mana ispañulkuna chayasqanpiqa hinallas ayllukunaqa tarpukusqaku hinallataq mikusqaku, paykunaraykullañas amarantuqa kunankama kawsakunraq.

Kaypi qimikusqa: https://www.gob.mx/agricultura/articulos/amaranto-un-cultivoancestral-y-dealto-valor-nutricional?idiom=es#: ~:text=E1%o2Oamaranto%o2Oes%20de%20gran,la%20milpa%20y% 20las% 20chinampas.

□

Nawincharquspañataq qillqana maytuykipi hamuq llamkaykunata qispichiy.

1. iImamantataq willakuy rimachkan?

2. iIma watapiraqta Astikakuna amarantu uywayta yacharqurqanku?

3. Nawinchasqaykimanhina, iimataq chinampa?

4. iHayka sayayniyuqtaq chinampa?

5. iImapaqtaq chinanpa allin?

6. iImamantataq qillqasqa rimachkan?

68