Página — Comunicacion SECUNDARIA (pág. 69)

Kunaykunata rurastin yuyaywan ñawinchayta qallariy.

1. Uyarikuq simiwan amawtaykipa nisusqaykimanhina ñawinchay.2. Kallpayuq simikunata taristin hinallataq siqistin ñawinchay.

Miksiku ayllukuna imayna amarantu tarpusqanku

Qillqasqa alichaq: Yumar Karina Orosco Palomino.

Nawpa Miksiku llaqtapi ayllukunaqa, amarantu kawsay usyapipas parapipas wiñaq kaptinsi anchata kuyasqaku. Hinallataqsi Apukunapa kuyasqan kawsay kasqanrayku kuyakuywan sumaqta uywasqaku.

Awya Yala allpakunapiqa amarantu kawsayqa ancha kuyasqa rurus kasqa.Kay kawsaytaqa Astikakunas, Mayakunas 4 waranqa unay watakunapiraq uywaytaqa yacharqusqaku. Kay llaqtakunamantas amarantu uywayqa huk llaqtakunaman chayasqa. Kay kawsayqa chiraw pachakunapi wiñaqsi hinaspapas nisyu kallpachakuq mikuy kasqanraykus awqakunaman mikuchisqaku; amarantu puka qilluniraq kasqanraykus intiwan tupachispa Aputahina qawasqaku.

Kay kawsaytaqa iskay rikchaq allpapis tarpusqaku: ñawpa kaqsi, allin llasaq ayllukuna, chinampa sutiyuq tarpuypis amarantutaqa chikllichisqaku (Mallkisqa). Hukninñataqsi para chayamuptinña, pampa quñi allpa chakrapi tarpusqaku; sarapa, purutupa, lakawitipa, chawpinkunapis kay kawsaykunawan kuskata milkapi churasqaku.

Aswansi ñawpa ayllukunaqa chinampakunallapi amarantutaqa tarpusqaku. Chinampakunapiqa mallkikunatas chikllichisqaku, chaypaqsi takirata rurasqaku. Takiraqa suytunmanqa 20taktikamas haypasqa, kinrayninmanñataqsi

1.50 taktiman haypasqa, uku sayayninñataqsi 10 pachakcha takti kasqa.Mallkikuna qispichinankupaqqa quchamantas manachayqa mayu, pukyu qucharayaqmantas mituta hurquspanku takiraman huntachiqku. Chaymanta


67