Página — Comunicacion SECUNDARIA (pág. 67)

KINUWA: Mamay uywawaqniymi mana uyarikuspa, qamkunata qipanchakurquspa, kaypi ñakarichiwachkan. Mamay yakunayawachkanmi.PACHA MAMA: Imaynanpitaq mana qayakamurqankichu.KINUWA: Uywaqniymi, killamanta kutimusaq nispa niwarqan; chaymi suyachkarqani. Chaytaqmi mana willakamurqanichu.(Kinuwaqa lakita samaykuspam Pacha Mamapa marqayninpi wañurqun).SIWAR: (Pisipay pisipay qispirqamun) Kinuwachallay, kaypiñam kachkani (Mana allin kaqta musyaspan asuykun hinaspa taspipan).Hampitam apamuchkayki upyaykuy kawsarinkim (Manaña rikchariptin waqakun.) APU TAYTA: (Ilapakunata tuqyachistin, yana puyuntin, qapaq simiwan riman) Siwar, asurikuy, kuyasqay kinuwallayta wañunankama ñakarichirqanki, mana uyariqtukuspayki kayta rurarqanki. Pacha Mamapa kaqninkunawan rimanakuspam kawsaykunataqa uywana.SIWAR: (Waqastin) Taytallay pampachaykullaway. APU TAYTA: Chay huchaykiraykum kawsaykunata manaña tarpuyta atinkiñachu, tukuy rurasqaykiqa kikiykimanmi chayamusunki.(Chikchi parata piñakuyninwan kachaykun) Siwar kunanmantam qunqasqa tiyanki,kinuwa Ayam kanki. (Siwarqa Aya kinuwaman tikrakurqun).

1

Nawinchayta / likayta tukurquspañataq, hamuq ruraykunata, qillqana maytuykipi kutichiy.

1. Nawinchasqaykimanhina, iPikunataq qillqasqapi rikurichkan? Sutinkunata qillqay.

2. iPikunawanmi willakuy qallarichkan?

3. iPikunawanmi willakuy tukuchkan?

4. iPitaq pantasqahina Siwarta rimapayarqan?

5. iPiwantan kinuwa ñakarichkaspa rimarqan?

6. iMaypitaq rimaqkuna rimanakuchkanku?

7. iIma pachapim rimanakuchkanku?

65