Página — Comunicacion SECUNDARIA (pág. 14)

Nawpa likana

Yachay haypana: Papa allay aynipi llamkaymanta hawari qillqasqata allinta hamutaspa ñawinchay.

Manaraq likachkaspa, kay tapukuykunata qillqana maytuykipi kutichiy.

1. iImamantataq kay qillqasqa rimachkan?

2. "Ayni chinkaptinqa, imaymana yachaykunam chinkan". iIma niytataq munanman?

3. iHamuq qillqasqata imapaqraq qillqanman karqan?

4. iImata munaspataq ñawinchanki?

□

Kunanñataq kaykunata rurastin ñawinchayta qallaykuy.

• Upallalla ñawinchay.

• Musuq simikunata tarispaqa waqtanpi kaq rapichapi qillqaykuy.

• Ima nisqanpas sunquykimanhina mana kaptinqa waqtachanpi qillqaykuy.

• Kallpayuq rimaykunata tarispaykiqa siqiykuspa llusiykuypas.

Mama Maryapa aynikuynimanta hawari

Qillqaq: Lasaru Puma Wallqa Kaywalla

Huk kutis Tintay llaqtapi mama Maryawan tayta Antuku ayninakuspalla llamkaqku. Mama Maryaqa sapallansi kawsakusqa, qusanpas unay watañas wañukullasqa; tayta Antukupas mana warmiyuqsi tarikusqa,rupaq yakullatas, machachikuq yakullatas anchata upyaq, machasqalla sapa punchaw tarikusqanraykus warminpas huk qariwan ripukusqa.

12